Smoking Scene Maamale Mein Supreme Court Ne Kendra Se Maanga Javaab

Breaking »

Smoking Scene Maamale Mein Supreme Court Ne Kendra Se Maanga Javaab

Nai Delhi. . Supreme court ne us yaachika par kendra sarkaar ko notice jaari kiya hai jismein kaha gaya hai ki filmon mein smoking scene ko lekar sarkaar ne jo notification jaari kiya hai use radd kiya jaana chaahiye. Yaachikaakarta film mekar mahesh bhatt ke vakeel chandar mohan laal ne bataaya ki is maamale mein sarkaar ne 3 alag-alag notification jaari kiya. Aakhir mein 2012 mein jaari notification ke tahat yah praavadhaan kiya gaya hai ki film shuroo hone se pehle aur film ke beech mein vaidhaanik chetaavani di jaati hai. Saath hi smoking scene ke dauraan bhi parde par vaidhaanik chetaavani diye jaane ka praavadhaan hai. Yaachikaakarta ke vakeel ne bataaya ki smoking scene ke liye pehle jastifikeshan diya jaana anivaarya kiya gaya hai aur jastifikeshan se santusht hone ke baad jab scene paas hoga tab vaidhaanik chetaavani deni hogi. Is maamale kiya gaya praavadhaan right tu speech aind eksapreshan ke khilaaf hai aur aise mein notification ke ukt praavadhaanon ko khatm kiya jaana chaahiye. Is yaachika par sunavaai ke dauraan Supreme court ne kendra sarkaar se 4 hafte mein javaab daakhil karne ko kaha hai.

Smoking Scene Maamale Mein Supreme Court Ne Kendra Se Maanga Javaab https://www.angrejinews.com/pic/4869