Siyaasi Jameen Par Utareinge Aakaash, Maayaavati Boleen, 'Is Ladke Ko Raajaneeti Mein Jaroor Laana Chaahiye

India »

Siyaasi Jameen Par Utareinge Aakaash, Maayaavati Boleen, 'Is Ladke Ko Raajaneeti Mein Jaroor Laana Chaahiye

Lucknow/badaayoon UP mein Loksabha chunaav ke prachaar ke beech bahujan samaaj party mein raajaneeti ki ek nai peedhi ki shuruaat ka ailaan ho gaya hai. BSP supreemo maayaavati ne shanivaar ko vipakshi netaaon ke sanyukt manch par ek baar fir apne bhateeje aakaash aanand ko sakriya raajaneeti mein laane ke sanket diye. Aakaash aanand maayaavati ke bhaai aanand Kumar ke bete hain, jinhein beete dinon BSP supreemon ke saath saarvajanik roop se kai maukon par dekha gaya tha. Poorv mein hi yeh atkalein lagaai ja rahi theen ki aakaash jald hi BSP ke saath sakriya raajaneeti ka hissa ho sakte hain aur shanivaar ko badaayoon mein maayaavati ne khud is khabaron par anaupachaarik roop se mohar bhi laga di. Badaayoon mein mahaagathabandhan ki sanyukt sabha ke dauraan maayaavati ne apne bhaashan ke beech manch par baithe aakaash ki taraf ishaara karte hue kaha, mere bhaai ka ladka aakaash aanand idhar baitha hai aur mainne ab yeh faisala kiya hai ki is ladke ko raajaneeti mein jaroor laana chaahiye. Aakaash maayaavati ke chhote bhaai aanand Kumar ke bete hain. Ye vaheen aanand Kumar hain jinhein BSP ka upaadhyaksh banaane ke baad maayaavati ne unase yeh pad chheen liya tha. Aisa karke maayaavati ne ek sandesh diya tha ki unke parivaar ka koi bhi sadasya unki viraasat naheen sanbhaalega. Haalaanki isi saal hi maayaavati ne apne janmadin ke mauke par kaha tha ki vah aakaash ko BSP ke aandolan se jodeingi. Padhein: Ekajut vipaksh ki doosari sanyukt rally mein baraseen maayaavati, kaha- 'Namo-namo' jaaenge, 'Jaya bheem' aaenge Kaun hain aakaash aanand Aakaash aanand maayaavati ke bhaai aanand Kumar ke bete hain. London se emabeee karne vaale aakaash ki BSP ki raajaneeti mein achaanak entry naheen hui hai. Maayaavati ne 2017 mein uttar pradesh vidhaanasabha chunaav haarne ke baad sahaaranapur ki rally mein suniyojit tareeke se unako launch kiya tha. Meerut sahit kuchh railiyon mein saarvajanik manch se unhein pesh kiya gaya. Tabhi maayaavati ne apne kaadar ke beech sandesh de diya tha ki aane vaale dinon mein aakaash ki party mein bhoomika aham ho sakti hai. BSP ke nae rananeetikaar hain aakaash? Sootron ke anusaar, haal ke dinon mein party ki social media par majaboot hui pakad ke peechhe aakaash ka hi haath maana gaya. Sirf maayaavati ke janmadin par aain tasveeron mein naheen, balki jab aarajedi neta tejasvi Yadav ne maayaavati ne mulaakaat ki, tab bhi aakaash saath mein dikhe the. Padhein: Kaun hain BSP supreemo maayaavati ke bhateeje aakaash aanand? Media par maayaavati ne saadha tha nishaana Tamaam tasveeron mein aakaash ki maujoodagi ke baad kai tarah ki kayaasbaaji shuroo ho gayi thi. Iske baad maayaavati ne apni naaraajagi jaahir karte hue aakaash par likhi ja rahi khabaron ke khilaaf media samoohon ko chetaavani di thi. Maayaavati ne kuchh media samoohon ko chetaavani dete hue kaha, 'Main kaansheeraam ki shishya hoon aur unki tarah jaise ko taisa javaab dena jaanti hoon. ' unhonne aarop lagaaya ki SP ke saath gathabandhan ne dalit virodhi paartiyon mein khalabali macha di hai. Ve log seedhi ladaai ke bajaay TV channelon ke saath milkar shadyantr rach rahe hain taaki party aur netrutv ko badnaam kiya ja sake.

Siyaasi Jameen Par Utareinge Aakaash, Maayaavati Boleen, 'Is Ladke Ko Raajaneeti Mein Jaroor Laana Chaahiye https://www.angrejinews.com/pic/267721