Sirf Hinduon Ke Naheen, Sabke Sukh Ki Baat Karta Hoon Modi

Breaking »

Sirf Hinduon Ke Naheen, Sabke Sukh Ki Baat Karta Hoon Modi

Haridvaar . . Gujarat ke mukhyamantri Narendra Modi ne Baba raamadev ke manch se bolte hue unki taareefon ke pul baandhate hue un logon ki kadi aalochna ki jo un jaise sant par jhoothe aarop lagaate hain. Modi ne kaha ki desh mein aajkal santon par aarop lagaana aam ho gaya hai. Modi ne is mauke par apni hindutvavaadi neta ki chhavi ko badalne ki koshish karte hue saaf taur par kaha ki vah sirf hinduon ke naheen, sabke sukh ki baat karte hain. Baba raamadev ke manch se jahaan saton ne Modi ki taareef karte hue unhein bhavishya ka neta ghoshit kar diya, vaheen Modi ne Baba raamadev ke virodhiyon par tagada hamla karte hue kaha ki bevajah Baba raamadev ko nishaana banaane ki koshish ki ja rahi hai. Modi ne kaha ki Baba raamadev ko main bahut pehle se jaanta hoon. Unke jaise desh aur samaaj ko samarpit log bahut kam hote hain. Unhonne kaha ki buraaiyon ka virodh karne ki vajah se Bob raamadev par julm kiye ja rahe hain. Modi ne kaha Baba raamadev mujhe kehte hain ki ham donon sage bhaai hain aur ham donon par julm ho rahe hain. Modi ne vajah bataae bagair kaha ki hosh sambhaalne ke baad se yah pehla mauka hai jab vah Kumbh mele mein shaamil naheen ho paae aur iski peeda unke man mein hai. Lekin aaj haridvaar mein itne saare santon ke charanon mein baithane ka mauka paakar vah peeda thodi kam hui. Ek baar fir Gujarat ke vikaas ki misaal dete hue unhonne kaha ki Gujarat ka vikaas Modi ka kamaal naheen hai. Yah agar kisi ka kamaal hai to Gujarat ke chhah karod logon ka kamaal hai. Iske alaava Modi ne is mauke ka istemaal karte hue apni hindutvavaadi chhavi ko badalne ki bhi koshish ki. Haalaanki santon ke gun gaate hue bhi Modi ne yah saaf karne mein koi kasar baaki naheen rakhi ki unhein sirf hinduon ki naheen balki sabki chinta hai. Unhonne kaha main sirf hinduon ke naheen balki sabke sukh ki kaamna karta hoon. Sabki aankhon ke aansoo ponchhana chaahata hoon. Haalaanki Modi ne kaha ki vah kisi pad ki ichha naheen rakhate, sirf sabki seva karna chaahate hain. Lekin, unke is bhaashan ko PM pad ki or shuroo ho chuki unki yaatra se jodkar hi dekha ja raha hai. Kaaryakram mein maujood santon ne bhi Modi ka jis tarah khule dil se svaagat kiya usase saaf tha ki Modi ko PM banaane ki muhim mein ve sab unke saath hain.

Sirf Hinduon Ke Naheen, Sabke Sukh Ki Baat Karta Hoon Modi https://www.angrejinews.com/pic/6862