Sir Se Judeen Bihar Ki Bahanon Ka Operation Naheen Supreme Court

Breaking »

Sir Se Judeen Bihar Ki Bahanon Ka Operation Naheen  Supreme Court

Nai Delhi. . Bihar ki janm se sir se judeen do bahanon ko alag naheen kiya jaaega. Supreme court ne Budhvaar ko ek aham faisale mein in bachchiyon ka operation na karne ko kaha hai. Gaurtalab hai ki in donon bachchiyon ke parijan naheen chaahate the ki unka operation ho. Supreme court ne iske saath hi Bihar sarkaar ko in bachchiyon ke liye parivaar ko har maheene 5 hajaar rupaye dene ko kaha hai. Supreme court ne in bachchiyon ke operation ke baare mein daayar janahit yaachika par ems ke doctoron ki ek committee banaai thi. Committee se bachchiyon ke operation par report dene ko kaha gaya tha. Committee ne apni report mein bataaya ki is operation mein ek bachchi ka bachana bahut mushkil hai. Court ne is report ko dhyaan mein rakhate hue bachchiyon ka operation na karne ka faisala diya. Bachchiyon ke parivaar ne bhi Supreme court ko ek chitthi likhkar kaha tha ki ve apni bachchiyon ka operation naheen karavaana chaahate hain. Supreme court ne apne faisale mein bachchiyon ke parivaar ka saath diya hai. Court ne Bihar sarkaar se kaha ki vah in bachchiyon ke liye har maheene paanch hajaar rupaye ka bhatta day. Iske alaava har teen maheene mein civil surgeon unki jaanch karein aur har 6 maheene mein apni report ems ko bhejein. Court ne iske saath hi kaha ki agar bhavishya mein parivaar unka ilaaj karaana chaahata hai, to Bihar sarkaar iska kharcha uthaaegi. Supreme court ne kaha ki agar ye bachchiyaan bhavishya mein kabhi operation se alag hone ki ichha jaahir karti hain, to ve court mein arji day sakti hain. Udhar, Supreme court ke faisale se saba-faraha ka parivaar behad khush hai. Unke bhaai ne media se kaha ki court se ham isi faisale ki ummeed kar rahe the.

Sir Se Judeen Bihar Ki Bahanon Ka Operation Naheen Supreme Court https://www.angrejinews.com/pic/5069