Sikkim Chaamaling Todeinge Jyoti Basu Ka Record

Breaking »

Sikkim  Chaamaling Todeinge Jyoti Basu Ka Record

File photo File photo Nai Delhi: desh mein sarvaadhik avadhi tak mukhyamantri pad par rahane ka record pashchim Bengal ke poorv mukhyamantri aur maark‚Äćaasavaadi communist party (maakapa) ke kaddaavar neta jyoti Basu ke naam raha hai. Lekin ab is rikaard ko sikkim ke mukhyamantri pavan chaamaling todne ki or agrasar hain. lagaataar paanchaveen baar vidhaanasabha chunaav mein vijayi rahi chaamaling ki party sikkim democratic frant (esadeeef) sarkaar banaane ja rahi hai. sikkim vidhaanasabha chunaavon ke parinaam 16 May ko ghoshit kiye gaye, jismein sattaaroodh esadeeef ne do tihaai bahumat haasil kiya hai. Bhaarat mein vilay se pehle chogyal raajavansh shaasit sikkim ne vidhaanasabha chunaavon mein lagaataar paanchaveen baar sattaaroodh esadeeef ke paksh mein bhaari janaadesh dekar raajaneetik itihaas racha hai. Sikkim ki janta ne pavan chaamaling ko lagaataar paanchaveen baar mukhyamantri chunakar unhein desh mein sabse lambe kaaryakaal vaala mukhyamantri banane ka mauka diya hai. chaamaling ne pichhle 20 saal ke apne shaasan kaal mein raajya mein shaanti, vikaas, sthirta par vishesh dhyaan diya hai aur kai kshetron mein vikaas pariyojanaaen laagoo ki hain. Chaamaling 12 December, 1994 se sikkim mein shaasan ki baagdor sambhaale hue hain. Himaalaya ki god mein base chhote se raajya mein unhonne safalataapoorvak chautha kaaryakaal poora kiya aur paanchavein kaaryakaal mein kadam rakhane vaale hain. mukhyamantri ke roop mein rajat jayanti manaanevaale chaamaling pehle bhaarateeya raajaneta honge. isse pehle sabse lamba kaaryakaal jyoti Basu ke naam hai, jinhonne pashchim Bengal mein 21 June, 1977 mein satta sambhaalne se lekar paanch June, 2000 tak raajya mein 23 varsho tak shaasan kiya tha. is baar 2014 ke vidhaanasabha chunaav mein sikkim ki sattaaroodh esadeeef ne kul 32 mein se 22 seatein jeeteen. Esadeeef ka pramukh chunaavi mudda raajya mein shaanti banaae rakhana, suraksha pradaan karna aur kshetr ka vikaas karna raha tha, jiske bal par party ne do tihaai bahumat haasil kiya. mukhyamantri pavan chaamaling do vidhaanasabha seaton raangang-yaangang aur naamachi-singhithaangase chunaav lade aur donon seaton par bade antar se vijayi rahe. sikkim mein vidhaanasabha chunaav, 16vein Loksabha chunaav ke saath hue. Loksabha chunaav mein bhi sikkim ki ek sansadeeya seat par sattaaroodh esadeeef vijayi raha. Esadeeef ke saansad pi. Di. Rai ne apne niktatam pratidvandvi tech naath dhaakal ko 42,000 voton se haraaya. raajya ki kam aabaadi ko dekhte hue choonki sikkim mein Loksabha ki ek hi seat hai, aise mein raajya ki janta Loksabha chunaav se jyaada vidhaanasabha chunaav ke liye utsaahit dikhi.

Sikkim Chaamaling Todeinge Jyoti Basu Ka Record https://www.angrejinews.com/pic/50892