Sikhon Ko Baisaakhi Ki Badhaai Dene Ke Liye Ameriki Congress Mein Prastaav

World »

Sikhon Ko Baisaakhi Ki Badhaai Dene Ke Liye Ameriki Congress Mein Prastaav

Washington . . Ameriki sikh samudaaya ko baisaakhi ki badhaai dene ke liye paanch prabhaavashaali saansadon ne America ki pratinidhi sabha mein ek prastaav rakha hai. California se democratic saansad John gaaraameindi ne yah prastaav (sadan prastaav sankhya 157) rakha hai. Saansad Joseph kraaule, John levis, jaiki speeyar aur Rahul greejaalva ne iska samarthan kiya hai. Ameriki sikhon dvaara poore desh mein is saptaahaant par baisaakhi manaayi jaani hai. Saansad gaaraameindi ka kehna hai, 'Sikh samudaaya ameriki samaaj ka mahatvapoorn bhaag hai vishesh taur par mere uttar California ke kaangreshanal jile ka khaas bhaag hain. ' unhonne kaha, ''Mainne nasleeya aparaadhon se nipatne se lekar krushi tak har kshetr mein samudaaya ke saath milkar dashakon tak kaam kiya hai. Main California, poore America aur poori duniya mein baisaakhi mana rahe sikhon ko shubhakaamanaaen dena chaahata hoon. Yah tyohaar kuchh siddhaanton ko moort roop dete hain jinhein ham sabhi maanate hain. Vishesh taur par seva bhaavana aur doosaron ki bhalaai ke liye kaam karna. ' 'The sikh kolishn' ki simran Kaur ne kaha hai ki 'Baisaakhi ke dauraan ameriki sikhon ki paranparaaon ka maan rakhate hue yah prastaav laane ke liye ham saasand gaaraameindi ko dhanyavaad dete hain.

Sikhon Ko Baisaakhi Ki Badhaai Dene Ke Liye Ameriki Congress Mein Prastaav https://www.angrejinews.com/pic/5460