Sikh Driver Ne Chhedi Pagadi Ke Liye Jang

World »

Sikh Driver Ne Chhedi Pagadi Ke Liye Jang

London. . Finland mein ek sikh bas driver ko apni pagadi ki khaatir adaalati jang ladni pad rahi hai. Gil sukhadarshan Singh Finland ki rajdhani ke paas vaanta mein veoliya bas company mein driver hain. Vah chaahate hain ki athauriteej unhein kaam ke dauraan pagadi pahanane ki ijaajat dein. Unka kehna hai - pagadi pahanana mera adhikaar hai aur main ek sikh bhi hoon. Main sochata hoon ki isse kisi bhi doosare dharm ke liye pareshaani waali baat naheen honi chaahiye. Ham kisi ko pareshaan naheen kar rahe hain balki apne dharm mein aastha rakh rahe hain. Gaurtalab hai ki gil 1980 mein Finland aane vaale pehle sikh hain. 2012 ke December mein jab vah Punjab aae to uske baad se unhonne kaam ke dauraan pagadi pahanane ka faisala kar liya. Unka kehna hai ki do maheene tak kisi ne koi aitaraaj naheen jataaya par baad mein bas company ke adhikaariyon ne kaha ki main company ke yoonifaurm rools ke mutaabik chaloon aur pagadi hataaoon. Singh ke bete sukhanavadeep Singh gil bhi pagadi pahanate hain aur chaahate hain ki vah military service mein pagadi pahanakar hi apni sevaaen dein. Gaurtalab hai ki Finland ke padosi deshon Norway aur sveedan mein military mein kaam kar rahe sikhon ko pagadi pahanane ka adhikaar diya gaya hai.

Sikh Driver Ne Chhedi Pagadi Ke Liye Jang https://www.angrejinews.com/pic/9275