Sikh Dangon Ki Gujarat Se Tulana Galat BJP

Breaking »

Sikh Dangon Ki Gujarat Se Tulana Galat  BJP

Vishesh samvaadadaata nai Delhi. . BJP ne kaha hai ki 1984 ke sikh virodhi dangon ki tulana, Gujarat ke dangon se naheen ki ja sakti. Party ne yah bhi kaha hai ki shaayad Congress ke neta Modi fobiya ki maanasikta se baahar naheen nikal pa rahe hain. BJP pravakta captain abhimnyu ne kaha ki 84 ke dangon ka sach saari duniya jaanti hai. Un dangon ki Gujarat ke dangon se tulana karna bemaani hai. Keindreeya mantri veerappa moili ne donon dangon ki tulana ki thi. BJP neta ka kehna hai ki party ko moili ke bayaan par isliye hairaani hai kyonki keindeeya mantri aisa kah rahe hain. Unhonne kaha ki Gujarat dangon mein Modi par koi seedha aarop naheen hai jabki sikh dangon mein Congress ke kai netaaon ko na sirf naamajad kiya gaya balki kai kamitiyon ne unhein jimmedaar bhi thaharaaya. BJP ka yah bhi kehna hai ki Gujarat mein Modi se pehle bhi dange hote rahe hain lekin 2002 ke baad Modi ke shaasan mein ek baar bhi danga naheen huaa. Isse pata chalta hai ki Modi secular neta hain. Neeteesh Kumar ke Modi ko secular na maanane ke baare mein poochhe gaye savaal par pravakta ne kaha ki neeteesh ne kabhi bhi Modi ke secular hone par seedhe koi tippani naheen ki hai.

Sikh Dangon Ki Gujarat Se Tulana Galat BJP https://www.angrejinews.com/pic/5362