Sikh Bujurg Ko Gurudvaare Ke Baahar Bedardi Se Peeta

World »

Sikh Bujurg Ko Gurudvaare Ke Baahar Bedardi Se Peeta

PTI . Washington America ke ek gurudvaare ke baahar ek burjug sikh ko lohe ki chhad se buri tarah peeta gaya jiske baad se usaki haalat gambhir bani hui hai. Police ne is silsile mein ek vyakti ko giraftaar kar liya hai. Kailifaurniya ke fresano shahar ke ek gurudvaare ke baahar hui is ghatna ko het crime se judi ghatna samjha ja raha hai. Fresano shahar ke police cheef jeri dyer ne gurudvaare mein jama sikhon ko bataaya ki het crime ke is sandigdh aaropi ki pehchaan gilbart gaarashiya ke roop mein hui hai. Usane lohe ki chhad se 82 saal ke piyaara Singh ko maara jo is gurudvaare mein ek swayamsevi ke taur par kaam karte hain. Piyaara par hamla ravivaar ko huaa. Abhi bhi behosh pade Singh ko 20 taanke aae hain. Unki haddiyaan aur pasaliyaan bhi toot gayi hain. Haalaanki unki haalat mein kuchh sudhaar ho raha hai. Der shaam dyer ke netrutv mein FBI aur nyaayik vibhaag ke pratinidhiyon samet sarkaari adhikaariyon ke dal ne sikh samudaaya ke sadasyon se mulaakaat karke unhein aashvaasan diya ki het crime se unhein bachaane ke liye paryaapt upaaya kiye ja rahe hain. Fresano gurudvaare ke ek granthi guradev Singh muhaar ne kaha ki yah ek het crime hai. Gaurtalab hai ki fresano kailifaurniya ki central valley ke beechon beech hai. Yahaan par sikh/punjabi aabaadi kaafi hai. Piyaara Singh par hamle ne na sirf America bhar mein sikhon ki chinta badhaai hai balki hindu-ameriki aur arab-ameriki bhi isse chintit hain. Asal mein ye log lambe samay se maang karte rahe hain ki ham par hone vaale hamlon ko FBI het crime ke taur par rajistar kare.

Sikh Bujurg Ko Gurudvaare Ke Baahar Bedardi Se Peeta https://www.angrejinews.com/pic/8148