Siddhoo Ko Bhaav Dene Ke Mood Mein Naheen Hai BJP

India »

Siddhoo Ko Bhaav Dene Ke Mood Mein Naheen Hai BJP

vishesh samvaadadaata . Nai Delhi apni patni ke jariye party se naaraajagi jataane vaale navajot Singh siddhoo ko BJP jyaada bhaav dene ke mood mein naheen hai. Haalaanki, shukravaar ko party adhyaksh Rajnath Singh ne siddhoo se baat ki aur unki naaraajagi ki vajah poochhi. Baad mein tay huaa ki jab siddhoo Delhi aaenge to Rajnath se milkar apni baat rakheinge. Lekin party filhaal unhein manaane ke liye kisi ko naheen bhej rahi hai. BJP ka maanana hai ki siddhoo ne pablisiti ke liye aisa karavaaya. Sootron ke mutaabik, BJP ke jyaada netaaon ka maanana hai ki siddhoo ko jyaada bhaav dene ki jaroorat naheen hai. Iski vajah yah hai ki in netaaon ko lagta hai ki amrutasar mein is baar apni haar ki sambhaavana dekhte hue siddhoo apni seat badalna chaahate hain. Iske alaava amrutasar mein sthaaneeya BJP neta bhi unase khush naheen hain. Vajah yah hai ki vah vahaan kaaryakartaaon ke liye jyaada vakt upalabdh naheen rahate. Vah cricket kaumeintri aur TV sho ki vajah se aksar baahar rahate hain. BJP sootron ka kehna hai ki siddhoo agar kisi doosari seat se chunaav ladna chaahate hain to party ko unke liye surakshit seat naheen khojani chaahiye. Isse us seat par bhi bhavishya mein voteron par negetiv asar padega. Amrutasar mein unke upalabdh naheen hone ki vajah se kaaryakartaaon aur voteron mein naaraajagi ho sakti hai to doosari seat par bhi kuchh vakt baad yahi sthiti hogi. Kisi ek neta ki vajah se seat ko kharaab naheen kiya ja sakta. Sootron ka kehna hai ki filhaal siddhoo ka maamala khatm ho gaya hai. Jab vah Delhi aaenge aur apni baat rakheinge, tab BJP neta unki baat sunakar faisala kareinge.

Siddhoo Ko Bhaav Dene Ke Mood Mein Naheen Hai BJP https://www.angrejinews.com/pic/5392