Siddhoo Ka Congress Mein Svaagat Bhattal

Breaking »

Siddhoo Ka Congress Mein Svaagat Bhattal

Jalandhar. . Bhaarateeya janta party ke neta tatha amrutasar ke saansad navajot Singh siddhoo ke party chhodne aur aagaami chunaav naheen ladne ki atkalon ke beech Congress ki varishth neta raajindar Kaur bhattal ne shanivaar ko kaha ki siddhoo agar Congress mein aate hain to party unka svaagat karegi. Jalandhar mein ek chairiti kaaryakram mein shirkat karne aain Punjab ki poorv mukhyamantri tatha pradesh Congress ki varishth neta raajindar Kaur bhattal ne kaha, 'Main siddhoo ke baare mein pehle se kehti aa rahi hoon ki vah ek achhe neta hain, lekin galat party mein hain. Ab unhein iska ehsaas huaa hai to achhi baat hai. Agar vah Congress mein aate hain to ham unka svaagat kareinge. ' bhattal ne kaha, 'Siddhoo ke pita puraane Congressi the. Vah Patiala jila pradhaan bhi rah chuke hain. Vah swayam bhi bahut achhe aur imaandaar neta hain, lekin galat party mein hain jahaan achhe logon ki kadr naheen hoti hai, isliye agar vah BJP chhodkar Congress mein aate hain to ham sab unka svaagat kareinge. ' isse pehle bijli ki daron mein ki gayi badhotri ko vaapas lene ki maang karte hue Congress neta ne kaha, 'Ve (akaali dal aur BJP neta) chintan karne gaye the. Unhonne kya chintan kiya yah to naheen pata, lekin apne chintan se poore Punjab ke logon ko chinta mein jaroor daal diya hai. Ab karant laga kar logon ko maarane par tul gaye hain.

Siddhoo Ka Congress Mein Svaagat Bhattal https://www.angrejinews.com/pic/5447