Si Class Filmon Se Ghar Baithna Behtar Amruta

Movies »

Si Class Filmon Se Ghar Baithna Behtar Amruta

Chandra mohan sharma. . Do saal baad amruta Rao fir se big screen par najar aane waali hain. Itne din tak amruta apanon ke saath vakt gujaarne mein biji theen, lekin ab unki ek naheen, chaar filmein aane waali hain. Amruta se hui ek khaas mulaakaat: Aap do saalon se kahaan gum theen? Bas, apanon ke saath vakt gujaar rahi thi. Aisa naheen hai ki ofar naheen mil rahe the, lekin bi ya si class ki filmein karne se jyaada achha ghar baithna tha. Haalaanki, is dauraan mainne south ki kuchh achhi filmein ki. Ab aapki chaar filmein aa rahi hain? Aisa thodi hai ki inki shooting mainne ek-saath ki hai, lekin film bante-bante kuchh aisa ho jaata hai ki release det aage-peechhe ho jaati hai. Har pradyoosar chaahata hai ki usaki film kamaaoo season mein release ho. Agali filmein kaun si hain? 'Jolly LLB' ke baad meri teen aur filmein 'Singh saahab the gret', 'Satyaagrah' aur 'Hangaama pe hangaama' release hogi. Industry mein gyaarah saal gujaarne ke baad bhi aapki babli imej hai, kaheen ismein kaid hokar to naheen rah gain? Main apni is imej se bahut khush hoon agar main parde par bold ya aisi ladki ki bhoomikaaen karoon, jo apne alaava kisi aur ko kuchh naheen samajhti, to mere fains ko achha naheen lagega. Main jab unhein filmon mein sinpal aur khush dikhti hoon, to unhein bhi pasand aati hoon. Mujhe mere fains ke touch mein rahana bahut achha lagta hai. Lekin kya aisa naheen lagta ki isi imej ki vajah se aap top bainars ki filmein naheen kar paain? Shaayad. Vaise, is saal main chaar top bainars ki filmein kar rahi hoon. Dekha jaae, to main banner, aiktar ya director ka naam dekhkar film sign naheen karti, bas rol achha hona chaahiye. Kahaani aisi ho jo jyaadaatar odiyans ko pasand aae. Main footage ko bhi naheen dekhti. Rol chaahe chand minute ka ho, lekin kahaani ka aham hissa hona chaahiye jismein mujhe apna tailant dikhaane ka mauka mile. Jinhonne aapke saath ek film ki, unke praujekt mein aap dobaara naheen dikheen? Jaroori naheen hai ki aapke saath film banaane vaala har filmamekar agali film aap hi ke saath kare. Industry mein koi director kisi aiktar se apni tyooning dekhkar use sign naheen karta. Meri film 'Vivaah' hit hui lekin iske sequel mein main naheen thi. Haan, isi banner ki film 'Love you mistar kalaakaar' mein mujhe liya gaya. 'Jolly LLB' mein aapka kirdaar 'Vivaah' fame poonam ka eksateinshan bataaya ja raha hai? Aisa naheen hai. Is film mein mera kirdaar bindaas modern ladki ka hai, jismein gajab ka kaunfideins hai. Main bhi jaanboojhkar kisi khaas imej mein bandhana naheen chaahati, lekin industry mein sabse jyaada pehchaan mujhe isi imej ne di hai. Film ke promo mein Arshad vaarasi chhaae hain. Lagta naheen, isse aapka rol dab jaaega? Promo mein dikhaae ja rahe kisi scene se aap mere kirdaar ka andaaja na lagaaen. Mainne script aur apne kirdaar ko jaanane ke baad hi film sign ki hai. Ismein mera kirdaar kaheen kam naheen dikhega

Si Class Filmon Se Ghar Baithna Behtar Amruta https://www.angrejinews.com/pic/3365