Shuruaati Kaarobaar Mein Rupaya 35 Paise Majaboot

Breaking »

Shuruaati Kaarobaar Mein Rupaya 35 Paise Majaboot

Mumbai: Loksabha chunaav mein bhaajapa ki sarkaar banane se utsaahit niveshakon ki or se videshi poonji pravaah jaari rakhane se antarabaink videshi mudra vinimay baajaar mein somvaar ko shuruaati kaarobaar ke dauraan dollar ke mukaabale rupaya 35 paise ke sudhaar ke saath 11 maah ke uchchatam star 58.45 rupaye prati dollar par pahunch gaya. faureks sootron ne bataaya ki iske alaava bankon evam niryaatakon ki or se dollar bikvaali badhaae jaane ke kaaran bhi rupaye ki dhaarana mein sudhaar aaya. Ghareloo share baajaar mein teji se bhi rupaye ki vinimay dar mein sudhaar aaya. faureks isse pichhle kaarobaari satr ke dauraan dollar ke mukaabale rupaya 50 paise majaboot hokar 58.79 rupaye prati dollar par band hua tha, jo aaj ke shuruaati kaarobaar mein 32 paise ke aur sudhaar ke saath 58.47 rupaye prati dollar par pahunch gaya. Mumbai share baajaar ka soochakaank bhi aaj ke shuruaati kaarobaar mein 275.82 ank athva 1.14 feesad ki teji ke saath 24,397.56 ank par pahunch gaya.

Shuruaati Kaarobaar Mein Rupaya 35 Paise Majaboot https://www.angrejinews.com/pic/50986