Shuruaati Kaarobaar Mein Rupaya 12 Paise Majaboot

Breaking »

Shuruaati Kaarobaar Mein Rupaya 12 Paise Majaboot

Mumbai: desh ke pradhaanamantri ke roop mein Narendra Modi ke shapath grahan se poorv aaj videshi poonji pravaah badhne se antarabaink videshi mudra vinimay baajaar mein dollar ki tulana mein rupaya 12 paise ki teji ke saath 11 maah ke uchchastar 58.40 rupaye prati dollar par pahunch gaya. iske alaava niryaatakon ki or se dollar bikvaali badhaae jaane evam ghareloo share baajaar mein teji ke rukh se bhi rupaye ki dhaarana mein teji rahi. Vaishvik baajaar mein dollar ke mukaabale Euro ki majabooti se bhi rupaye ko bal mila. faureks baajaar mein isse pichhle kaarobaari satr ke dauraan dollar ki tulana mein rupaya 5 paise kamjor hokar 58.52 rupaye prati dollar par band hua tha, jo aaj ke shuruaati kaarobaar mein 12 paise majaboot hokar 58.40 rupaye prati dollar par pahunch gaya. Mumbai share baajaar ka soochakaank bhi aaj ke shuruaati kaarobaar mein 344.19 ank athva 1.39 feesadi ki teji ke saath 25,037.54 ank par pahunch gaya.

Shuruaati Kaarobaar Mein Rupaya 12 Paise Majaboot https://www.angrejinews.com/pic/51754