Shuruaati Kaarobaar Mein Oopar Sensex-Nifty

Business »

Shuruaati Kaarobaar Mein Oopar Sensex-Nifty

Mumbai Budhvaar ki susti ke baad desh ke share baajaaron mein guruvaar ko fir teji ka rukh dekha ja raha hai. Shuruaati kaarobaar mein Sensex aur Nifty donon badhat ke saath kaarobaar kar rahe hain. Shuruaati kaarobaar mein Sensex ne kareeb 152 ankon ki badhat haasil ki jabki Nifty bhi 43.80 ank chadha. Subah kareeb 10.15 baje Sensex kareeb 42 ank oopar 22,857 point par aur Nifty kareeb 19 ankon ki badhat ke saath 7128 par kaarobaar kar rahe the. Subah lagaataar doosare din baajaar mein flat opening hui thi. Sensex 45 ank oopar jabki Nifty 13 ank chadhkar khule. Isse pehle, lagaataar teen session mein record banaane ke baad Budhvaar ko Sensex mein giraavat I thi. Bombay stock exchange ka men index Sensex 56 point gir kar 23815 ke leval par band hua tha, jabki naishanal stock exchange ka men index Nifty bina kisi badlaav ke 7109 ke leval par band hua tha. Bataaya ja raha hai ki kaipitl inaflo aur chunaavi nateejon se pehle reetel investors ki or se jabaradast khareedaari ke kaaran baajaar uchhaal par hai. Tata steel sahit kai companiyon ki achhi kvaurtarali riports se baajaar ko raftaar mili hai. Rupaye ki majaboot opaning: Subah bhaarateeya rupaya dollar ke mukaabale 21 paise oopar khula. Rupaya Budhvaar ko 59.68 prati dollar ke leval par band hua tha.

Shuruaati Kaarobaar Mein Oopar Sensex-Nifty https://www.angrejinews.com/pic/50626