Shri Lanka Ne Jallaadon Ki Vakeinsi Ke Liye Maange Aavedan

Breaking »

Shri Lanka Ne Jallaadon Ki Vakeinsi Ke Liye Maange Aavedan

Colombo Shri lanka ke jail dipaartameint ne somvaar ko do jallaadon ki vekansi ke liye aavedan nikaale hain. Bata dein ki kuchh dinon pehle hi raashtrapati maitreepaala sireesena ne faansi par lagi 42 saal puraani paabandi hataai hai. Jail commissioner peeenaem dhanaasinghe ne kaha ki notice jaari kar diya gaya hai aur somvaar se aavedan sveekar kiye jaaenge. Shri lanka mein aakhiri baar June 1976 mein faansi hui thi. Iske baad aae sabhi raashtrapatiyon ne faansi ki saja ke liye death warrant par hastaakshar karne se mana kar diya tha. Sireesena ne pichhle hafte kaha tha ki do maheene ke andar drag taskari ke doshiyon ko saja di jaaegi. Sireesena ne kaha tha ki desh mein drags ka badhaava dene vaale drags aparaadhiyon ko saja dene ke liye vah pratibaddh hain. Sansad mein apne bhaashan mein unhonne kaha, 'Desh mein agale 2-3 maheenon mein faansi ki saja di jaaegi. ' shri lanka 2016 mein mrutyudand par paabandi lagaane vaale sanyukt raashtra sadasyon mein shaamil ho chuka hai, iske baavajood siri sena ne yeh faisala liya. Jail commissioner dhanaasinghe ne kaha ki jallaadon ke nae padon ka ailaan kiya gaya hai, kyonki pichhle jallaad ne naukri chhod di hai. Shri lanka mein bhale hi aakhiri baar 1976 mein faansi hui thi, lekin 2014 tak apne ritaayarameint tak vahaan ek jallaad niyukt tha. Nyaaya mantri thalaata atukorale ne haal hi mein kaha tha ki unke mantraalaya ne pichhle saal September mein hi sireesena ke office mein drag aparaadhiyon ki deetels bhej di theen. Unhonne kaha ki abhi 48 drag aparaadhi mrutyudand ke liye taiyaar hain jabki inmein se 30 ne saja ke khilaaf appeal ki hai. Vaheen baaki 18 ko agar raashtrapati chaahein to faansi ki saja di ja sakti hai.

Shri Lanka Ne Jallaadon Ki Vakeinsi Ke Liye Maange Aavedan https://www.angrejinews.com/pic/254080