Shreeshaant Ke Fixing Mein Fansane Se Sadamein Mein Kerala

Breaking »

Shreeshaant Ke Fixing Mein Fansane Se Sadamein Mein Kerala

Tiruvanantapuram. . IPL mein spot fixing mein fanse shreeshaant ki giraftaari se parivaaravaalon ke saath-saath unke raajya Kerala ke log bhi sadme mein hain. Unhein yakeen hi naheen ho raha tha ki kal tak Kerala ki shaan shreeshaant aaj fixing mein fansane ke baad jail mein munh chhipaae baithe hain. Ve unhein parivaaravaalon ki tarah bekasoor bata rahe hain. Shreeshaant ki maan ne ek TV channel ko apni pratikriya mein kaha ki unke bete ko fansaaya gaya hai. Shreeshaant ke bahanoi madhu baalaakrushnan ne kaha ki shreeshaant pichhle kai dinon se pareshaan the. Mashahoor play back singar baalaakrushnan ne kaha, 'Vah match fixing ke bahut khilaaf hai aur vah aisa kabhi naheen kar sakta. Hamein poora vishvaas hai ki vah koi bhi galat kaam naheen karega. ' maanav sansaadhan vikaas raajya mantri shashi tharoor bhi shreeshaant ki giraftaari par hairaani jataai. Cricket ke prashaasanik adhikaari bi. Pi. Ajit Kumar ne kaha ki is maamale mein shreeshaant ki giraftaari ke peechhe koi bahut badi saajish hai. Ajit ne kaha, 'Jis tarah ki khabar aa rahi hai usamein shreeshaant jaisa vyakti kisi bhi prakaar shaamil naheen ho sakta. Mujhe poora vishvaas hai ki yah ek saajish hai. ' Kerala cricket sangh ke sachiv ti. Si. Matthew ne kaha, 'Mujhe is khabar par yakeen naheen ho raha shreeshaant is tarah ka kaam kabhi naheen kar sakte.

Shreeshaant Ke Fixing Mein Fansane Se Sadamein Mein Kerala https://www.angrejinews.com/pic/8879