Shreeshaant Bole, Bhajji Ne Peeth Mein Chhura Ghonpa

Cricket »

Shreeshaant Bole, Bhajji Ne Peeth Mein Chhura Ghonpa

agencyan . Nai Delhi 'Slaipaget' kaand ke paanch baras baad pesar S. Shreeshaant ne shukravaar ko puraane jakhmon ko taaja karte hue kaha ki poori ghatna suniyojit thi aur Harbhajan Singh ' peeth mein chhura ghonpane vaale insaan' hain. Shreeshaant ne 2008 mein hui us ghatna ki baabat shukravaar ko twitter par kai khulaase kiye, jisse IPL mein taaja vivaad paida ho gaya hai. Isse pehle guruvaar ko Kolkata night Riders (kekeaar) ke captain Gautam gambhir aur royal Challengers beingalor ? (aaraseebi) ke captain Bengaluru mein IPL match mein viraat Kohli bhi maidaan par bhid gaye the. Harbhajan aur shreeshaant ka ab fir aamana- saamana 17 April ko hoga, jab Rajasthan Royals ki takkar Mumbai Indians se hogi. Sabhi ko sach bataana chaahata hoon : Shreeshaant ne twitter par likha, 'Mujhe koi shikaayat naheen hai. Lekin main sabhi ko sach bataana chaahata hoon. Bhajji ne mujhe thappad naheen maara. Vidiyo se pata chal jaaega ki unhonne kya kiya. Sabhi ne jajbaati hone ke liye tab mujhe kasooravaar thaharaaya. Kaun jajbaati naheen hoga , jab unhane maaloom chalega ki jis insaan ki aap pooja karte hain, vah peeth mein chhura ghonpane vaala hai. Yah ghinauna hai. Main itna hi kah sakta hoon. Aap us vidiyo ko dekhiye, jisse sach maaloom ho jaaega. Vah poori tarah se bekaaboo the. ' bhajji ka tippani se inkaar : Harbhajan Singh ne bhaarateeya team mein apne poorv saathi S. Shreeshaant ke is daave par tippani se inkaar kar diya ki 2008 IPL satr ka 'Slaipaget' prakaran poorv niyojit tha aur unhein galat tareeke se poore vivaad mein khalanaayak bana diya gaya. Harbhajan ne kaha, 'Main is par koi tippani naheen karna chaahata. ' main chaahata hoon bhajji ko bura lage : Rajasthan Royals ke liye IPL khel rahe shreeshaant ne kaha, ' us vaakye ka vidiyo saarvajanik hona chaahiye. Main chaahata hoon ki bhajji ko bura lage. Main chaahata hoon ki duniya ko sach maaloom ho. Jo huaa vah bura tha, lekin yah meri galati naheen hai. Harbhajan ne mujhe thappad naheen balki kohani maari thi. Main chaahata hoon ki duniya yah dekhe. Jab main match ke baad haath milaane gaya to bhajji bekaaboo ho gaye. Unhonne pehle hi mujhe kohani maarane ki soch rakhi thi. Ismein meri koi galati naheen thi aur cricket mein ya IPL maichon mein kuchh bhi kharaab hota hai to meri usase tulana ki jaati hai. Lekin jab aap kisi aise aadmi mein bada badlaav dekhne lage, jis par aap atoot vishvaas karte hain. Aisa hi huaa tha. Unhonne mujhe thappad naheen maara tha. ' gusse mein bekaaboo ho gaye the bhajji : Jab yah vaakya huaa tab shreeshaant kings eleven Punjab ke liye khelte the aur Harbhajan Mumbai team mein hi the. Match ke baad hui ghatna ke baad shreeshaant ro pade tha. Harbhajan par ban lag gaya tha jabki shreeshaant ko chetaavani dekar chhod diya gaya. Shreeshaant ne kaha, 'Bhajji ka apne gusse par kaaboo naheen tha. Ek aur baat main kehna chaahata hoon ki naanaavati sar ko sach pata hai aur saare IPL ko. Bhajji ne mujhe kabhi tamaacha naheen maara. Main apne svaabhaavik andaaj mein khel raha tha. Unhonne aapa khoya. Mumbai ka captain hone ke naate vah gusse mein bekaaboo ho gaye. ' ab aur chun naheen rahoonga : Ek akhbaar ne shukravaar ko gambhir aur Kohli ke takaraav ki tulana ' slaipaget ' kaand se ki , jisse shreeshaant ka paara chadh gaya hai. Shreeshaant ne kaha , ' niraashaajanak hai ki guruvaar ko Gautam bhaai aur viraat ki ghatna ki tulana us ghatna se ki gayi. Mujhe dukh hai ki saarvajanik roop se main yah baat kah raha hoon. Meri jagah khud ko rakhakar dekhein. Ek minute ke liye hi. Aapko maaloom chalega ki mujhe kaisa laga hoga. Internet par upalabdh us ghatna ke vidiyo se asaliyt ka pata naheen chalta. Yootayoob par upalabdh sabhi vidiyo majaak udaane vaale hain. Isse lagta hai ki main koi . . . . Hoon. Yah buri baat hai. Asli vidiyo saamane naheen aaya hai. Pichhle paanch - chhah saal se main chup tha , lekin ab naheen. Aap sabhi ko jo pata hai , usase aage kai baatein hain. ' slaip , thappad . . . Yah sahi naheen hai : Shreeshaant ne kaha , ' main aage badh chuka hoon , lekin yah sab bakavaas padhkar bura lagta hai. Bahut ho gaya. Vaise media ka shukriya. Mujhe yah kehne par majaboor kiya gaya ki us maamale mein meri galati thi. Mujhe yah kehne ke liye kaha gaya ki meri bhi galati thi , lekin meri galati naheen thi. Yah dukhad hai. Shaayad bhajji kisi baat par bhadak gaye ho , lekin unhonne aisa kyon kiya. Main ek baat saaf kar doon ki vah slaipaget kaand naheen tha. Main isliye jajbaati ho gaya , kyonki kuchh logon ne yah saajish rachi thi aur kuchh ko iska pata tha. Mujhe chetaavani bhi mili thi , lekin mainne kabhi aisa socha naheen tha. Yah dukhad hai aur media aaj tak is par baat kar raha hai. Bura lagta hai. Slaip , thappad . . . Yah sahi naheen hai. '

Shreeshaant Bole, Bhajji Ne Peeth Mein Chhura Ghonpa https://www.angrejinews.com/pic/5387