Shreeraam Transport Faainains Mein Baaki Share Bechega Teepeeji
Business » Tuesday, April 2, 2013
shilpi sinha Mumbai. . Ameriki private ikviti investar teepeeji shreeraam transport finance mein apni baaki 10 feesadi hissedaari bech sakta hai. Yah sauda khule baajaar mein blauk deal ke jariye ho sakta hai. Maamale ke jaankaar sootr ne kaha, 'Teepeeji ki dilchaspi shreeraam transport finance mein baaki hissedaari banaae rakhane mein naheen hai. Peei farm company mein apni hissedaari April mein ghataana shuroo kar sakta hai. Vah market price ke hisaab se blauk deal ke jariye share bech sakta hai. ' teepeeji ne company mein do kiston mein lagbhag 500 karod rupae lagaae the. Usane pehli baar February 2006 aur fir uske ek saal baad warrant ke jariye kul 20 feesadi hissedaari khareedi thi. Kuchh saal intajaar karne ke baad teepeeji ne straitejik paartanar naheen milne par exchange se baahar ke rate par deal karne ka faisala kiya. Teepeeji ne 22 February 2013 ko truck finance company mein apni 10 feesadi hissedaari bech di. Usako apni hissedaari ke liye 715 rupae prati share ki dar se 1600 karod rupae mile. Yah uske mool inavestameint ka chhah guna tha. Sainalaim life inshyoreins, seintaura investments (maureeshas) private limited aur Swiss finance kaurp (maureeshas) ne February mein blauk deal ke jariye company ke share khareede. Sainalaim life aur general inshyoreins business mein shreeraam ka joint veinchar paartanar bhi hai. Sootron ne bataaya ki teepeeji aane vaale hafton mein blauk deal ke jariye baaki share bechne ki sambhaavnaaen talaashega. Kayaas lagaae ja rahe hain ki deal 715 rupae prati share se kam naheen hogi. Shreeraam transport ke share BSE par 2.99 feesadi chadhkar 716.60 rupae par band hue. Sootr ne bataaya ki teepeeji apne ek puraane fund ke inavestameint ko band kar raha hai. Nyoobrij India investments II teepeeji kaipitl ki ek unit hai jiske jariye usane company mein hissedaari khareedi hui hai. Shreeraam transport finance ke alaava teepeeji ki shreeraam kaipitl mein 11 feesadi, shreeraam reetel private holdings mein 49 feesadi aur shreeraam city union finance mein 28 feesadi hissedaari hai. Shreeraam kaipitl group ki holding company hai jabki shreeraam city union kanjyoomar finance company hai.