Shreenagar Mein Roosi Paupalar Ke Ped Lagaane Par Rok

Breaking »

Shreenagar Mein Roosi Paupalar Ke Ped Lagaane Par Rok

Shreenagar. . Bade paimaane par elarji hone ki shikaayat ke maddenajar sthaaneeya prashaasan ne shreenagar mein roosi paupalar ke ped lagaane par rok laga di hai. Shreenagar ke DM faaruk Ahmad shaah ne somvaar shaam jaari ek aadesh ke jariye roosi paupalar pedon ke lagaae jaane par pratibandh laga diya. Shaah ne kaha ki in pedon se Parag se shahar mein elarji ki shikaayatein badh rahi hain. Yah khatarnaak star par pahunch gaya hai. Visheshagyon ne bhi yahi rai vyakt ki hai. Unhonne kaha, 'Nirdesh ka ullanghan karne vaalon ke khilaaf niyam ke tahat kadi kaarravaai ki jaaegi. Mainne police, raajasv aur saamaajik vaaniki adhikaariyon se fauran pratibandh lagaane ko kaha hai. ' DM ne kaha ki elarji failane se rokane ke liye pehle se maujood roosi paupalar ke pedon ko hataane ke liye unhonne 15 din ke bheetar visheshagyon se ek report pesh karne ko kaha hai. Jaldi badhne ki khaasiyat ko dekhte hue 1980 ke dashak mein saamaajik vaaniki yojana ke tahat roosi chinaar ke ped lagaae gaye the.

Shreenagar Mein Roosi Paupalar Ke Ped Lagaane Par Rok https://www.angrejinews.com/pic/9238