Shreelankaai Tamilon Ke Mudde Par Jayalalita Ne Asiaee Khelon Ki Mejabaani Radd Ki

Breaking »

Shreelankaai Tamilon Ke Mudde Par Jayalalita Ne Asiaee Khelon Ki Mejabaani Radd Ki

Chennai: Litte ke maare ja chuke pramukh prabhaakaran ke bete ki kathit nirmam hatya par virodh pradarshanon ke beech Tamil Nadu ki mukhyamantri jayalalita ne guruvaar ko yah kehkar 20veen Asiaee khel championship ki mejabaani se inkaar kar diya ki Sri Lanka ke khilaadiyon ke liye raajya mein koi jagah naheen hai. In khelon ka yahaan July mein aayojan hona tha. Jayalalita ne kaha ki sarkaar ne Singapore mein asian ethaletiks association ko patra likhkar kaha hai ki Tamil Nadu ke logon ki 'Bhaavanaaon' ko dhyaan mein rakhate hue Sri Lanka ki team ko khelon se door rakha jaana chaahiye, kyonki Sri Lanka sarkaar baar-baar jaateeya alpasankhyakon ke khilaaf kaam kar rahi hai. Mukhyamantri ne kaha ki khel ikaai se Sri Lanka sarkaar ko uchit tareeke se raajya sarkaar ke faisale ke baare mein soochit karne ka aagrah kiya gaya hai. Jayalalita ne Budhvaar ko Sri Lanka ki sena dvaara prabhaakaran ke 12-varsheeya bete baalachandnan ki kathit nirmam hatya kiye jaane ki ninda ki thi. DMK sahit vibhinn raajaneetik dalon ne bhi is ghatna ki kadi ninda ki hai. Jayalalita ne litte pramukh prabhaakaran ke bete ki kathit nrushans hatya ke 'Amaanaveeya krutya' par shreelankaai sarkaar ko aade haath lete hue kaha ki Bhaarat ko Colombo ke khilaaf kade kadam uthaane chaahiye aur March maheene mein jineva mein hone ja rahi sanyukt raashtra maanavaadhikaar parishad (yooenaechaaarasi) ki baithak mein kathit maanavaadhikaar hanan par khaaskar Sri Lanka ke khilaaf laae jaane vaale prastaav ka use samarthan karna chaahiye. Samvaadadaataaon se baatcheet mein jayalalita ne ise charam kroorata ka ek amaanaveeya krutya karaar dete hue kaha, vah to ek bachcha tha, jisne koi gunaah naheen kiya tha. Use suniyojit tareeke se maara gaya, kyonki vah prabhaakaran ka putr tha. Yah aisi kai hatyaaon ka pramaan hai aur isse Sri Lanka ki maujooda sarkaar ki maanasikta ka pata chalta hai. Jayalalita ne kaha ki aisi hatyaaon se hitlar ke shaasanakaal vaale naaji yug ke Germany ki yaad aati hai, jahaan yahoodiyon ko sirf unki nasl ke liye maar daala jaata tha. Mukhyamantri ne kaha, baalachandran ki hatya gambhir prakruti ka yuddh aparaadh hai, jise maaf naheen kiya ja sakta. Kathit maanavaadhikaar hanan ko lekar Colombo ke khilaaf sakht kaarravaai ki maang karte hue jaya ne kaha ki Bhaarat ko America env anya deshon se is mudde par baat karni chaahiye.

Shreelankaai Tamilon Ke Mudde Par Jayalalita Ne Asiaee Khelon Ki Mejabaani Radd Ki https://www.angrejinews.com/pic/2467