Shorasharaaba Aur Hangaama Thamane Ke Aasaar Kam

Breaking »

Shorasharaaba Aur Hangaama Thamane Ke Aasaar Kam

manjari chaturvedi . Nai Delhi 2ji maamale par bani JPC aur koyala ghotaale ko lekar sansad mein jaari hangaame aur shorasharaabe ke kam hone ke aasaar kam hi hain. In muddon ko lekar vipaksh jahaan sansad se sadak tak sarkaar ko gherane ki taiyaari mein hai vaheen doosari or sarkaar sansad ko suchaaru roop se chalaane ke liye vipaksh ke saath doosare dalon tak pahanuchane ki kavaayad mein juti hai. Is baare mein PM Manmohan Singh pehle hi vipaksh se sahayog ki appeal kar chuke hain. Sansadeeya kaaryamantri Kamalnath sahit sarkaar ke manager sadan ko chalaane ke liye harsambhav koshishon mein jute hain. Sootron ke mutaabik, somvaar ko Kamalnath BJP ke netaaon, khaaskar Sushma Swaraj se mileinge. Haalaanki, Kamalnath pehle bhi BJP se sahayog ki appeal kar chuke hain. Lekin BJP sarkaar ki appeal ko poori tarah thukara chuki hai. BJP ke senior leedar Advani aur arun jetali se hui mulaakaat bhi benateeja rahi. BJP ke alaava sarkaar ke manager baahar se samarthan day rahe SP aur BSP jaise dalon se bhi sadan chalaane mein sahayog dene ki appeal kareinge. Sarkaar ka kaafi daaromadaar inheen donon paartiyon ke rukh par tika huaa hai. Vitt vidheyak sahit apne doosare aham bilon ke bhavishya ko lekar aashankit sarkaar ke rananeetikaar somvaar ko Loksabha speaker se bhi mileeinge. Bajat session ke doosare charan mein Rajyasabha to fir bhi chali hai, Loksabha mein lagaataar gatirodh jaari hai. Sootron ka kehna hai ki sarkaar ki yojana sadan ki peeth se yah appeal karne ki hai ki shorasharaabe ke beech hi aham bilon aur sadan ke kaamkaaj ko niptaane ko koshish ki jaae. Sarkaar ne sarabajeet maamale ko lekar bhi vipaksh ko sanket diye hai ki vah sadan mein ekajutata dikhaae taaki maamale mein Pakistan ke khilaaf sansad mein prastaav laaya ja sake. Sadan mein jaari gatirodh ko lekar sarkaar aur vipaksh ek-doosare par nishaana saadh rahe hain. Jahaan vipaksh ka kehna hai ki koyala ghotaala aur JPC jaise maamalon par javaab aur charcha se bachane ke liye sarkaar sansad ko naheen chalaana chaahati, vaheen sarkaar ki daleel hai ki aham biloein ko rokane ke liye vipaksh ne yah rananeeti apnaai hai.

Shorasharaaba Aur Hangaama Thamane Ke Aasaar Kam https://www.angrejinews.com/pic/7058