Shivsena Ne Narendra Modi Par Saadha Nishaana

Breaking »

Shivsena Ne Narendra Modi Par Saadha Nishaana

Mumbai. . NDA ki sahayogi party shivsena ne ek baar fir Gujarat ke mukhyamantri Narendra Modi par nishaana saadha hai. Shivsena ke mukhapatr 'Saamana' mein chhape ek lekh ke mutaabik Karnataka vidhaanasabha chunaav mein Narendra Modi ki rananeeti buri tarah fail ho gayi. Shivsena ki senior neta sanjaya Raut ne lekh mein kaha hai ki prachaar ke dauraan Modi ne sirf soniya aur Rahul Gandhi ko nishaane par rakha, jiska koi faayda naheen huaa. Unka maanana hai ki agar Modi ne hindutv par focus rakha hota, to iska seedha faayda ho sakta tha. Lekh mein yahaan tak kaha gaya hai ki agar Modi ne hindutv ka sammaan naheen kiya to unamein aur digvijya Singh mein koi fark naheen rahega. Karnataka vidhaanasabha chunaavon mein Narendra Modi ne jin-jin seaton par prachaar kiya tha, vahaan par BJP achha naheen kar paai. Isi baat ka dhyaan mein rakhate hue likhe gaye lekh mein kaha gaya hai ki Karnataka mein Narendra Modi ke prachaar ke baavajood BJP ko haar ka svaad chakhana pada, kyonki unki rananeeti sahi naheen thi. Saamana mein chhapa hai, 'Saaf hai ki Gujarat ke vikaas ka faurmyula Karnataka mein naheen chala. Modi ne prachaar ke dauraan sirf Rahul Gandhi aur soniya Gandhi par nishaana saadha, lekin iska nuksaan hi huaa. Modi ne apni secular imej pesh karne ki koshish ki. Lekin agar har koi secular banane ki sochega to desh ke 80 karod hinduon ki sudh kaun lega? Hinduon ka netrutv kaun karega? Chunaav aate hi kattar hindoovaadi neta bhi apni imej secular pesh karne ki koshish karte hain. Bahut se neta secular bankar logon ko thag rahe hain. Modi ko apna rang naheen badalna chaahiye. Agar unhonne hindutv ka sammaan naheen kiya to unamein aur digvijya Singh mein koi fark naheen. ' mission 2014 mein juti BJP apne hi sahayogiyon ke nishaane par hai. NDA ke ghatak dal JDU aur shivsena khulkar BJP ki aalochna karti rahi hai. Pichhle dinon se shivsena khulkar BJP aur Narendra Modi par bol rahi hai. Uddhav Thackeray pehle hi Karnataka mein BJP ki haar par khushi jaahir kar chuke hain. Unhonne kuchh din pehle hi saamana mein likhe lekh mein NDA ki taraf se PM pad ke liye Narendra Modi ki daavedaari par apratyaksh roop se savaal uthaaya tha.

Shivsena Ne Narendra Modi Par Saadha Nishaana https://www.angrejinews.com/pic/8401