Shivsena Ki Kaaryashaili Mein Badlaav Ki Koi Jaroorat Naheen Uddhav Thackeray

Breaking »

Shivsena Ki Kaaryashaili Mein Badlaav Ki Koi Jaroorat Naheen  Uddhav Thackeray

Mumbai: Shivsena pramukh uddhav Thackeray ne NDTV ke saath khaas baatcheet mein apni party ke bhavishya aur raashtreeya muddon par vistaar se baat ki. Uddhav ne kaha ki jab unke pita baala saaheb Thackeray ne kaartoonist ke roop mein career ki shuruaat ki thi aur vah (uddhav) bhi ek kalaakaar hain. Unke pita ne logon ki madad karni chaahi aur unhonne jo bhi kiya, use vah raajaneeti naheen samajhte. Uddhav ne kaha ki aam aadmi ko koi yah kehne vaala hona chaahiye ki daro mat, ham tumhaare saath hain. Logon ke vaaste kaam karne ke liye taakat ki jaroorat hoti hai aur taakat sirf kursi ke liye naheen honi chaahiye. Unhonne kaha ki har party ki apni chhavi hoti hai, isliye shivsena ki kaaryashaili mein badlaav ki koi jaroorat naheen hai. Raaj Thackeray ke saath rishton ke baare mein uddhav ne kaha ki media riporton par bahut jyaada vishvaas mat karein, mujhse aur raaj se ekasaath poochhein (ki kya koi gathabandhan ho sakta hai). Kya main niraash dikh raha hoon. Hamaara mukhya chunaavi mudda vikaas ka hoga. Humne beeemasi chunaavon mein jeet haasil ki, kyonki logon ko hamaara kaam dikha. Aajaadi ke baad alag-alag bhaashaaen bolne vaale logon ko alag raajya mila aur har raajya ko apne logon ki dekhbhaal karne ki jaroorat hai. Aap un raajyon ko koi naheen dosh dete, jo apne logon ke liye kuchh naheen karte. Ab neeteesh Kumar Bihar mein achha kaam kar rahe hain, lekin isse pehle vahaan kuchh naheen huaa. Uddhav ne kaha, baahar se log aaen, yah theek hai, lekin ve jo bhi karein, kya hamein vah sab bardaasht karna chaahiye? Yahaan log sau saal se rah rahe hain, inmein se kitne logon ko peeta gaya? Agar aap gareeb hain, to yah aapki sarkaar ka kaam hai ki vah aapko rojagaar day, aapki dekhbhaal kare. Kya aap baanglaadeshiyon ko apna maaneinge? Agar ham uttar bhaarateeyon ke virodhi hote, to Bollywood sitaaron ko yahaan naheen rahane dete. Main ek maraathi ya hindu hone ke naate kyon garv mahasoos na karoon? Kya neeteesh Kumar ko bihaari hone ka garv naheen hai. (policekarmi ki vivaadaaspad kavita par) Sujaata Patil ne jaisa dekha, usi aadhaar par likha. Kaanoon kahaan hai? Kitne logon ko giraftaar kiya gaya? Hamaari sarkaar bahut kamjor hai. Kya aapko kaheen sarkaar dikh rahi hai? Main vivaad se bhaagane vaala aadmi naheen hoon. Mujhe jo uchit lagega, vah boloonga. (Facebook kameint vivaad par) Paalaghar ki ladkiyon ke kameint par hinsa bhadak sakti thi. (enaseepi ke saath gathabandhan ke baare mein) Kya enaseepi hamaari party ke rukh ko sveekaar kar sakti hai? Jab itne saalon tak gathabandhan naheen ho saka, to fir aisa kaise sambhav ho sakta hai. (pradhaanamantri pad ki ummeedavaari par) Ham sabko saath baithakar ek naam tay karna hoga. Baala saaheb ne us vakt Sushma ko aasheervaad diya tha, jab koi naam charcha mein naheen tha. Is par saarvajanik bahas naheen ho sakti. Hamein band kamre mein baithakar sabki baat sunani hogi. BJP ke saath hamaare sameekaran achhe hain. Hamaara vilay naheen huaa, lekin 20 saalon se gathabandhan kaayam hai. Congress ne desh ko barbaadi ki raah par dhakel diya hai. (bete aaditya Thackeray ke baare mein) Main naheen samajhta ki aaditya ne abhi raajaneeti mein pravesh kiya hai, vah sirf yooth ving ko sanbhaal rahe hain. Vah kuchh khaas muddon par kaam kar rahe hain. Agar vah chunaavi raajaneeti mein aaenge, to yah unki ichha hogi. Log sveekaar kare ya nakaar day, lekin agar vah achha kaam kar sakte hain to unhein raajaneeti mein kyon naheen aana chaahiye?

Shivsena Ki Kaaryashaili Mein Badlaav Ki Koi Jaroorat Naheen Uddhav Thackeray https://www.angrejinews.com/pic/2503