Shivraamakrushnan Ne ICC Cricket Committee Mein Li Tim Me Ki Jagah

Cricket »

Shivraamakrushnan Ne ICC Cricket Committee Mein Li Tim Me Ki Jagah

agencyan . Dubai, bhaarateeya cricket control board (BCCI) ke samarthan se Bhaarat ke poorv leg spinner Lakshman shivraamaakrushnan ne ICC cricket committee mein somvaar ko khilaadiyon ke numaainde ke roop mein tim me ki jagah li. ICC ne somvaar ko yahaan kaha, 'Shivraamaakrushnan khilaadiyon ke do maujooda numaaindon mein se ek honge. Khilaadiyon ke ek anya numaainde Sri Lanka ke poorv captain Kumar sangakaara honge, jo 2007 se samiti ka hissa hain. Sangakaara aur shivraamaakrushnan ko haal hi mein 10 test kaptaanon ke vote ke baad chuna gaya hai. Ye donon 2013 se 15 tak teen saal ke liye cricket committee ka hissa honge. ' is niyukti se pehle south Africa ki khilaadi union ne aarop lagaaya tha ki bhaarateeya hiton ke kaaran khilaadiyon ke numaainde ke liye pun: Matadaan karaaya gaya. Federation of intaranaishanal kriketars asosiyeshans mein bhi shaamil tauni aayarish ne kaha ki shurooaati matadaan mein 10 test kaptaanon ne is pad ke liye tim me ko chuna tha. Is beech, ICC ne ghoshana ki ki cricket committee ki vaarshik baithak London mein 28 aur 29 May ko hogi. Cricket committee ki adhyakshata pehli baar Bhaarat ke poorv captain anil Kumble kareinge. Kumble ne vest Indies ke poorv captain klaaiv laayad ki jagah li hai. Shivraamaakrushnan aur England ke poorv captain Andrew straus pehli baar ICC cricket committee ki baithak mein shirkat kareinge. Straus poorv khilaadiyon ke do numaaindon mein se ek hain. Unhonne Ian bishp ki jagah li hai. Cricket committee cricket ko khelne se jude muddon par charcha karegi aur 25 se 29 June tak laurds mein hone vaale vaarshik sammelan ke liye ICC ke mukhya kaaryakaariyon ki samiti aur ICC board ko sifaarish karegi. ICC cricket committee mein shaamil sadasya is prakaar hain: Anil Kumble (Chairman), Allen isaak, David Richardson, mark Taylor, Andrew straus, Kumar sangakaara, Lakshman shivraamaakrushnan, Gary karstan, kleyar konor, David vaait, traint jaunsatan, ravi shaastri, Steve Davis, ranjan madugule, John steefanasan aur David keindiks.

Shivraamakrushnan Ne ICC Cricket Committee Mein Li Tim Me Ki Jagah https://www.angrejinews.com/pic/7877