Shivpaal Ki Loksabha Chunaav Par Najar

Breaking »

Shivpaal Ki Loksabha Chunaav Par Najar

PTI. Lucknow : Uttar pradesh ke lok nirmaan mantri shivpaal Singh Yadav ne Loksabha chunaav par najar rakhate hue shanivaar ko raajya setu nigam ki 40veen saalagirh par 829 karod rupaye ki laagat se banane vaale pulon aur imaaraton sambandhi 61 pariyojanaaon ka lokaarpan aur shilaanyaas kiya. Shivpaal ne setu nigam kaaryaalaya mein aayojit kaaryakram mein 11 railway ovarabrij, 20 bade pulon tatha 22 chhote pulon aur 8 imaaraton ki aadhaarashila rakhi. In pariyojanaaon ki laagat kareeb 600 karod hogi. Shivpaal ne 20 pariyojanaaon ka lokaarpan bhi kiya, jo ya to samaapt ho chuki hai aur ya samaapti ke kagaar par hai. Ismein 230 karod ki laagat se bane 15 bade pul aur 5 railway ovarabrij shaamil hain. Shivpaal ne kaha ki raajya sarkaar pradesh ke vikaas ke liye poori tarah samarpit hai. Unhonne kaha ki raajya sarkaar ne pradesh ke aadhaarbhoot dhaanche, visheshakar sadkon ka jaal bichhaane par apna dhyaan keindrit kiya hai. Unhonne kaha ki is saal mukhyamantri Akhilesh Yadav ne infrastructure vikaas ke liye bajat mein 14,900 karod ka praavadhaan kiya hai. Yah 2012-13 mein is mad mein kiye gaye bajat ke praavadhaanon se 3 hajaar 21 karod jyaada hai. Iske alaava sarkaar ne oorja kshetr ke liye 11 hajaar 732 karod ka bajat rakha hai. Raajya sarkaar ne pichhle maheene Agra summit se niveshakon ko UP mein nivesh karne ka nyauta bhi diya tha. Shivpaal ne kaha ki ki sarkaar pariyojanaaon mein kaaryarat karmachaariyon ko suraksha ke liye helamet aur belt muhaiya karaaegi. Unhonne kaha ki raajya setu nigam ki sthaapana ke 40 saal poore hone par karmachaariyon ko 1 hajaar rupaye atirikt diye jaaenge. Unhonne is mauke par 29 June 1991 se pehle niyukt hue 34 karmachaariyon ko niyamit karne ki ghoshana bhi ki.

Shivpaal Ki Loksabha Chunaav Par Najar https://www.angrejinews.com/pic/5546