Shirdi Ke Saain Baba Mandir Ke Baahar Se Bachcha Chori

Breaking »

Shirdi Ke Saain Baba Mandir Ke Baahar Se Bachcha Chori

shirdi. . Shirdi ke saain Baba mandir ke baahar se 'Raamanavami' ke avsar par pooja archana karne aae shraddhaaluon ki bhaari bheed ke beech saat maheene ka ek bachcha kathit roop se chori kar liya gaya. Police ne shukravaar ko bataaya ki sangeeta jagadeesh Rathore (35) naam ki ek mahila ne shukravaar ko der raat shirdi police mein report darj karavaai. Apni shikaayat mein mahila ne kaha ki jab vah mandir ke baahar laddoo ki ek dukaan ke baahar khule mein so rahi thi tab koi agyaat vyakti uske bete ko uthaakar le gaya. Police ne bataaya ki 'Ram navami' ke avsar par jute laakhon shraddhaaluon ki bhaari bheed ke beech kisi ne kathit roop se bachcha chori kar liya. Sangeeta ka truck chaalak pati sangeeta, uske pita aur bahan ko saain Baba ke mandir mein pooja karne ke liye chhod kar saangali chala gaya tha. Yah log Budhvaar ko Indore ke beejalapur se yahaan aae the. Sangeeta ki teen betiyaan bhi hain. Police ne bataaya ki bachche aur doshi ki talaash ke liye police ne abhiyaan shuroo kar diya hai.

Shirdi Ke Saain Baba Mandir Ke Baahar Se Bachcha Chori https://www.angrejinews.com/pic/6109