Sheron Ko Lekar Modi Aur Shivraaj Sarkaar Mein Chhidi Jang Supreme Court Pahunchi

Breaking »

Sheron Ko Lekar Modi Aur Shivraaj Sarkaar Mein Chhidi Jang Supreme Court Pahunchi

Ahmedabad . . Pradhaanamantri pad ke pratyaashi ke savaal par to Narendra Modi aur shivraaj Singh chauhaan mein khule taur par koi ladaai naheen hai, lekin sheron ko sthaanaantarit karne ke savaal par donon mukhyamantriyon ki sarkaaron ke beech chal rahi khuli rassaakashi ek baar fir Supreme court pahunch gayi hai. Gujarat ki Modi sarkaar ne 15 April ke us faisale ke khilaaf yaachika daayar kar di hai jismein use sheron ko madhya pradesh ke paalapur-koono vaaildalaaif sainkchuari bhejane ka nirdesh diya gaya tha. Apni is punarvichaar yaachika mein Gujarat sarkaar ne daleel di hai ki Madhya Pradesh ne court ko gumaraah kiya hai. Yaachika mein naishanal tiger kanjarveshan athauriti ki report ke havaale se is daleel ke paksh mein tathya pesh kiye gaye hain. Gaurtalab hai ki 15 April ke faisale mein adaalat ne kaha tha ki 'Gujarat sarkaar ne jo etaraaj kiye unamein ek yah bhi tha ki sheron ka shikaar rokane ke maamale mein Madhya Pradesh sarkaar ka rekaurd achha naheen raha hai. Aise mein sheron ko koono bheja jaaega to unki suraksha ka savaal aham ho jaata hai. Magar, iske javaab mein Madhya Pradesh sarkaar tiger athauriti of India ki July 2011 ki report ka havaala dete hue bataaya ki is report mein shikaar rokane ke maamale mein Madhya Pradesh sarkaar ka pradarshan kamaal ka maana gaya hai. Yah tippani bataati hai ki koono mein avaidh shikaar rokane ke liye kaaragar kadam uthaae gaye hain. ' ab Gujarat sarkaar ne apni purvichaar yaachika mein kaha hai ki Madhya Pradesh sarkaar ne jis report ka havaala diya tha, usamein kaheen bhi paalapur-koono ka jikr tak naheen hai. Maamala aage kya mod leta hai aur Supreme court in donon raajya sarkaaron mein kiski baaton se santusht hoti hai, yah to baad mein saaf hoga, lekin donon BJP raajyon ki sarkaaron ke beech chal rahi yah rassaakashi apne aap mein behad dilchasp banti ja rahi hai.

Sheron Ko Lekar Modi Aur Shivraaj Sarkaar Mein Chhidi Jang Supreme Court Pahunchi https://www.angrejinews.com/pic/8682