Shauts Ka Silekshan Kharaab Tha Dhoni

Cricket »

Shauts Ka Silekshan Kharaab Tha Dhoni

chennai. . Mumbai Indians ke haathon IPL ke match mein apne hi maidaan par nau run se haarne ke baad chennai Superkings ke captain Mahendra Singh Dhoni ne baitsamainon ko kasooravaar thaharaaya. Shanivaar raat match ke baad Dhoni ne kaha, 'Is match mein hamaara shauts silekshan bahut kharaab tha. Unke bowleron ne achha pradarshan kiya aur niyamit antaraal par wicket lete rahe. Ham 150 run ka taaraget haasil kar sakte the. Main aakhir ke do overon mein strike rotate naheen kar paaya kyonki hamaare paas wicket naheen the. Mujhe pata naheen tha ki maujooda boling ataik ki khoobi kya rahegi. Humne unhein aajamaaya jisse Mumbai ko vaapasi ka mauka mil gaya. Iske baavajood yah lakshya ham haasil kar sakte the. Pitch achhi hai aur tej geindabaajon ko isse uchhaal mila. Ballebaaj bhi shot bakhoobi khel pa rahe the lekin aane vaale maichon mein yah dheemi ho jaaegi. ' vaheen, team ke coach Stefan fleming ne kaha ki jis tarah se kuchh ballebaaj out hue, vah 'Asveekaarya' hai. Fleming ne kaha, 'Pitch theek thi. Doosari paari mein khelte hue lakshya haasil kiya ja sakta tha, balki ham 10 over ke baad kaafi sahaj the. Mujhe kehna hoga ki ballebaajon ke anubhav ko dekhte hue hamaari ballebaaji staraheen thi. Kuchh khilaadiyon ka out hona sachmuch sveekaar naheen kiya ja sakta. Aapko aakalan karne ki koshish karni chaahiye, bhale hi yah IPL chhah ka yah pehla match ho. Test series khelne ke baad khilaadi ati aatmavishvaas se bhare ho sakte hain. Lekin Mumbai ne achhi geindabaaji ki aur unhonne ham par dabaav banaane ke liye kaafi kuchh kiya. Ye kade shabd naheen hai, balki sachaai yahi hai. Ham ummeed kar rahe hain ki agale maichon mein behtar pradarshan kareinge. '

Shauts Ka Silekshan Kharaab Tha Dhoni https://www.angrejinews.com/pic/4755