Share Market Chauthe Kvaurtar Ke Rijlts Par Raheingi Nigaahein

Business »

Share Market Chauthe Kvaurtar Ke Rijlts Par Raheingi Nigaahein

Mumbai. . Share market mein agale hafte investors ki nigaahein 2012-13 ke chauthi kvaurtars mein companiyon ke rijlts par tiki raheingi. Sarkaar thok moolyon ki mahangaai ke aankade jaari karegi. Share baajaar shukravaar 19 April, 2013 ko Ram navami ke mauke par band rahega. Agale kareeb do maheene tak pichhle kaarobaari saal ke chauthe kvaurtar ke rijlts aate raheinge. Agale hafte mangalvaar ko Reliance industries limited (RIL), Budhvaar ko tata kansalteinsi services (TCS), guruvaar ko indasaind bank aur shukravaar ko Wipro jaisi pramukh companiyaan apne rijlts ka ailaan kareingi. Sarkaar somvaar 15 March ko March maheene ke liye thok moolya soochakaank par aadhaarit mahangaai dar ke aankade jaari karegi. February maheene mein thok mahangaai dar 6.84 feesadi thi. Aane vaale kuchh maheenon mein baajaar mein sheyaron ki kaafi saplaai ke kaaran share baajaaron ke soochakaankon ke oopar ki or badhne ki ummeed kam hai. Share baajaar niyaamak bhaarateeya pratibhooti aur vinimay board (SEBI) ke dishaanirdesh ke mutaabik listed private companiyon mein pramotars ki hissedaari ghataani hogi aur aam niveshakon ko kam se kam 25 feesadi hissedaari deni hogi. Isi tarah pablik companiyon mein aam niveshakon ko kam se kam 10 feesadi hissedaari deni hogi. SEBI ke aadesh ke mutaabik niji companiyon ke sansthaapakon ko 30 June, 2013 tak apni hissedaari ghataani hogi, jabki sarkaari companiyon ko 31 August tak SEBI ke aadesh paalan karna hoga. Varsh 2014 mein sarkaari companiyon ke vinivesh ke sarkaari taaraget se bhi sheyaron ki bikvaali ko hava milegi. Sarkaar ne saarvajanik companiyon mein apni hissedaari ke vinivesh se vartamaan kaarobaari varsh mein 40 hajaar karod jutaane ka taaraget rakha hai. Sarkaar ne niji companyon mein bhi apni hissedaari ke vinivesh se 14 hajaar karod rupaye jutaane ka taaraget rakha hai. Is maheene bhaarateeya mausam vibhaag dakshin pashchimi monsoon ka bhi praarambhik poorvaanumaan jaari karega. Bhaarateeya reserve bank teen May ko faainainshal iyar 2013-14 ke liye maudrik neeti bhi jaari karega. Sansad mein bajat satr ka doosra hissa 22 April ko fir se shuroo hone vaala hai. Is dauraan kai mahatvapoorn vidheyakon par charcha ya matadaan ho sakta hai. In vidheyakon mein shaamil hain - forward kauntraikts (regyuleshan) ameindameint bill-2010, peinshan fund regyuletar aind divelapameint athauriti bill-2011, bhoomi adhigrahan, punarvaas aur purnasthaapana bill-2011, raashtreeya khaadya suraksha bill 2011 aur beema kaanoon (sanshodhan) bill-2008. Yah satr 10 May ko khatm hoga. Paanch May 2013 ko Karnataka mein hone vaale vidhaanasabha chunaav bhi baajaar ko kuchh had tak prabhaavit kar sakte hain. Chunaav ke rijlts aath May ko ghoshit honge. Loksabha chunaav se judi khabaron ke chalte agale saal May tak share baajaar mein utaar-chadhaav bane rahane ke aasaar hain. Maana ja raha hai ki agali sarkaar kai paartiyon ki mili-juli ho sakti hai. Sudhaar ki prakriya ke baadhit hone ki aashanka hai. Iska asar vitteeya ghaata prabandhan par nakaaraatmak roop se pad sakta hai aur vaishvik rating agencyan Bhaarat ki rating ghata sakti hain. Baajaar mein is vakt kaafi giraavat chal raha hai, ise dekhte hue niveshak bautam ap ki rananeeti apna sakte hain. Yaani ve saste share khareed sakte hain. Chhote niveshakon ko is dauraan sector call lene ke bajaay khaas-khaas sheyaron par dhyaan dena chaahiye.

Share Market Chauthe Kvaurtar Ke Rijlts Par Raheingi Nigaahein https://www.angrejinews.com/pic/5515