Share Baajaaron Mein Maamooli Teji, Sensex 15 Ank Oopar

Business » Monday, February 25, 2013

Mumbai: Desh ke share baajaaron mein somvaar ko maamooli teji ka rujhaan raha. Pramukh soochakaank Sensex 14.68 ankon ki teji ke saath 19,331.69 par aur Nifty 4.45 ankon ki teji ke saath 5,854.75 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 48.32 ankon ki teji ke saath 19,365.33 par khula aur 14.68 ankon ya 0.08 feesadi teji ke saath 19,331.69 par band huaa. Sensex ne din bhar ke kaarobaar mein 19,411.18 ke oopari aur 19,237.98 ke nichle star ko chhuaa. Sensex ke 30 mein se 15 sheyaron mein teji rahi. Infosys (2.84 feesadi), tata motors (2.06 feesadi), hero Motocorp (1.42 feesadi), bhel (1.29 feesadi) aur TCS (1.16 feesadi) mein sarvaadhik teji rahi. Sensex mein giraavat vaale sheyaron mein pramukh rahe Cipla (2.60 feesadi), L (2.30 feesadi), ONGC (2.04 feesadi), kol India (1.99 feesadi) aur RIL (1.01 feesadi). National stock exchange (NSE) ka 50 sheyaron par aadhaarit samvedi soochakaank Nifty 20.25 ankon ki teji ke saath 5,870.55 par khula aur 4.45 ankon ya 0.08 feesadi teji ke saath 5,854.75 par band huaa. Nifty ne din bhar ke kaarobaar mein 5,878.40 ke oopari tatha 5,825.00 ke nichle star ko chhuaa. BSE ke midcap aur smallcap soochakaankon mein giraavat rahi. Midcap 79.50 ankon ki giraavat ke saath 6,529.53 par aur smallcap 89.11 ankon ki giraavat ke saath 6,475.65 par band huaa. BSE ke 13 mein se chaar sectoron soochana praudyogiki (1.86 feesadi), praudyogiki (1.28 feesadi), vaahan (0.78 feesadi) aur svaasthya seva (0.02 feesadi) mein teji rahi. BSE ke giraavat vaale sectoron mein pramukh rahe realty (2.39 feesadi), poonjeegat vastu (1.68 feesadi), dhaatu (1.08 feesadi), tel evam gas (1.05 feesadi) aur saarvajanik companiyaan (1.04 feesadi). BSE mein kaarobaar ka rujhaan nakaaraatm raha. Kul 1011 sheyaron mein teji aur 1802 mein giraavat rahi, jabki 131 sheyaron ke bhaav mein badlaav naheen huaa.