Share Baajaar Midcap Mein 12 Feesadi, Smallcap Mein 16 Feesadi Teji Rahi

Breaking »

Share Baajaar  Midcap Mein 12 Feesadi, Smallcap Mein 16 Feesadi Teji Rahi

Mumbai: desh ke share baajaaron mein pichhle saptaah pramukh soochakaank Sensex aur Nifty mein do feesadi se adhik teji rahi. Is dauraan Mumbai stock exchange (BSE) ke midcap aur smallcap soochakaank mein kramash: Kareeb 12 feesadi aur 16 feesadi teji rahi. BSE ka 30 sheyaron par aadhaarit samvedi soochakaank Sensex pichhle saptaah 2.37 feesadi ya 571.61 ankon ki teji ke saath shukravaar ko 24,693.35 par band hua. National stock exchange (NSE) ka 50 sheyaron par aadhaarit samvedi soochakaank Nifty 2.28 feesadi ya 164.10 ankon ki teji ke saath 7367.10 par band hua. shukravaar ko Sensex aur Nifty apne jeevanakaal ke aitihaasik oopari star par band hue. Sensex ke 30 sheyaron mein se pichhle saptaah 18 mein teji rahi. Giraavat vaale sheyaron mein san pharma (4.65 feesadi), ITC (4.31 feesadi), Dr. Reddy'S lab (4.22 feesadi), tata motors (4.09 feesadi) aur Infosys (3.50 feesadi) pramukh rahe. gat saptaah midcap aur smallcap soochakaankon mein 10 feesadi se adhik teji rahi. Midcap 11.62 feesadi ya 902.60 ankon ki teji ke saath 8,668.32 par band hua. Smallcap 15.75 feesadi ya 1242.28 ankon ki teji ke saath 9,128.04 par band hua. gat saptaah ke pramukh ghatnaakramon mein Loksabha chunaav mein bhaarateeya janta party (BJP) sabse badi party bankar ubhari aur use spasht bahumat mila hai, jiske dam par vah akele hi sarkaar bana sakti hai. Narendra Modi ko somvaar ko pradhaanamantri pad ki shapath dilaai jaaegi. Modi ko udyog anukool neetiyon vaala neta maana jaata hai.

Share Baajaar Midcap Mein 12 Feesadi, Smallcap Mein 16 Feesadi Teji Rahi https://www.angrejinews.com/pic/51594