Share Baajaar Mein Giraavat Thami, Sensex 100 Ank Majaboot

Business » Tuesday, February 12, 2013

Mumbai: Share baajaar mein lagaataar aath dinon se jaari giraavat aaj tham gayi. Buniyaadi roop se majaboot sheyaron mein livaali samarthan se Mumbai share baajaar ka Sensex 100 ank majaboot hokar band hua. Pichhle aath dinon mein 545 ank ganvaane wala Sensex aaj 100.47 ank oopar 19,561.04 ank par band hua. Isi tarah, national stock exchange ka Nifty bhi 24.65 ank ki badhat lekar 5,922.50 ank par ja tika. Brokeron ne kaha ki niveshakon ne aakarshak aur kam bhaav par upalabdh majaboot sheyaron mein livaali ki aur audyogik vruddhi ke kamjor aankadon va mudraasfeeti mein teji ko najaraandaaj kiya. Vinirmaan aur khanan kshetron mein gatividhiyaan naram rahane se December mein audyogik utpaadan mein 0.6 pratishat ki giraavat darj ki gayi. Vaheen, khudara mudraasfeeti January mein dahaai ank. 10.79 pratishat par rahi. Sabjiyon, khaadya tel, anaaj aur proteenayukt cheejon ke daam badhne se khudara mudraasfeeti mein teji ka rukh raha.