Share Baajaar Flat Band, Midcap Sheyaron Mein Giraavat

Business » Tuesday, April 23, 2013

Mumbai. . Antararaashtreeya baajaaron ke mile-jule sanketon ke baad bhaarateeya share baajaar flat band hue. Sensex 9.53 aur Nifty 2.50 ank oopar band huaa. Haalaanki BSE midcap mein 0.38 feesadi ki giraavat darj ki gayi. Bombay stock exchange ka soochakaank Sensex 19179.36 par band huaa. Sensex mein sabse jyaada badhat hero Motocorp mein 2.87 feesadi, san pharma mein 2.48 feesadi aur Bajaj auto mein 2.40 darj ki gayi. Sabse jyaada giraavat jindal steel mein 3.76 feesadi, elaaindati mein 2.04 feesadi aur SBI mein 1.61 feesadi rahi. BSE mein sector ke hisaab se sabse jyaada badhat helthakeyar mein 0.66 feesadi, IT mein 0.64 feesadi aur oil aind gas mein 0.51 feesadi darj ki gayi. Sabse jyaada giraavat kaipitl guds mein 1.29 feesadi, kanjyoomar dyoorebals mein 1.14 feesadi aur realty mein 0.67 feesadi rahi. Naishanal stock exchange ka soochakaank Nifty 5843.10 par band huaa. Nifty mein sabse jyaada badhat Bajaj auto mein 2.93 feesadi, hero Motocorp mein 2.66 feesadi aur san pharma mein 2.58 feesadi darj ki gayi. Sabse jyaada giraavat jindal steel mein 3.95 feesadi, deeelaef mein 1.91 feesadi aur HDFC bank mein 1.85 feesadi rahi. Mangalvaar ko Asiaee share baajaaron mein giraavat rahi. Nikkei 0.29 feesadi, haingasheing 1.08 feesadi aur Shanghai 2.57 feesadi giraavat ke saath band huaa. Mangalvaar ko sabhi pramukh Europeeya baajaaron mein aadhe se dedh feesadi tak ka uchhaal dekha gaya. Somvaar ko sabhi pramukh ameriki share baajaar badhat ke saath band hue the. Esaaindapi 500 mein 0.47 feesadi, daao mein 0.14 feesadi aur naisdek mein 0.86 feesadi ki badhat darj ki gayi thi.