Share Baajaar Agale Saptaah Bajat Tay Karega Baajaar Ki Disha

Business » Sunday, February 24, 2013

Mumbai: Share baajaaron mein aagaami saptaah niveshakon ki najar is maah ke aakhir mein pesh hone vaale rel bajat, aarthik sarvekshan tatha aam bajat par tiki rahegi. Bajat satr 21 February ko raashtrapati Pranab mukharji ke sanyukt adhiveshan ko sambodhan ke saath shuroo ho chuka hai. Aagaami saptaah sansad mein mangalvaar ko rel bajat, Budhvaar ko aarthik sarvekshan tatha guruvaar ko aam bajat pesh kiya jaaega. Niveshak bajat mein utpaad shulk aur seva kar mein kisi bhi badlaav par nigaah tikaae raheinge. Niveshak yah bhi dekheinge ki sarkaar nivesh ke maahaul mein teji laane ke liye kya kuchh karti hai. Niveshak aagaami kaarobaari saal ke liye vinivesh ke lakshya par bhi dhyaan deinge. Bajat mein vastu evam seva kar ko laagoo karne se sambandhit praavadhaanon par bhi niveshakon ka dhyaan rahega. In dinon sarvaadhik samruddh logon par kar lagaane ki bhi charcha rahi hai. Niveshak isse sambandhit praavadhaanon par bhi najar rakheinge. Niveshak yah bhi dekheinge ki sarkaar mahangaai kam karne tatha riyaayat ka bojh kam karne ki disha mein kya karti hai. Bajat satr 10 May, 2013 ko samaapt hoga. Is beech satr 22 March ko sthagit kar diya jaaega, jo fir se 22 April se shuroo hoga. Rel bajat mangalvaar ko Loksabha mein prashn kaal ke baad pesh kiya jaaega. Bajat satr mein kai vidheyakon par charcha hone aur unke paarit hone ki ummeed hai. Inmein forward kauntraikts (reguleshan) sanshodhan vidheyak-2010, peinshan fund reguletar end development athauriti bill-2011, bhoomi adhigrahan aur punarvaas vidheyak-2011, raashtreeya khaadya suraksha vidheyak-2011 aur beema kaanoon (sanshodhan) vidheyak-2008 pramukh hain. Is maah ke vaayada aur vikalp (ef end O) khand ki paripakva ta avadhi guruvaar ko poori hone ke kaaran aagaami saptaah kuchh sheyaron mein bhaari uthal-puthal ho sakti hai. Ek March, 2013 se vaahan aur cement companiyaan February maah mein hui bikri ka aankada prastut karne lageingi. Is naate in kshetron ke sheyaron par bhi niveshakon ki nigaah hogi. Market ikanaumiks ek March, 2012 ko HSBC India mainyoofaikch ring peeemaaai aankada prastut karegi, jismein February mein desh ke sanyantron ki gatividhiyon ka moolyaankan kiya jaaega. Saarvajanik companyon ke vinivesh ki yojana aur sarkaari tatha niji companyon mein ek nishchit seema tak aam logon ki share dhaarita badhaane ke bhaarateeya pratibhooti evam vinimay board (SEBI) ke nirdesh aur iski samay seema kareeb aane ke kaaran agale kuchh maheene mein baajaar mein sheyaron ki aapoorti badh sakti hai. Sarkaar ne 31 March ko samaapt hone vaale kaarobaari saal mein sarkaari companyon ke vinivesh se 30 hajaar karod rupaye jutaane ka lakshya rakha hai. SEBI dvaara ghoshit samay seema ke mutaabik 13 June tak niji companyon ko aam logon ki share dhaarita badhaakar nyoonatam 25 feesadi karni hogi, jabki sarkaari companyon ko 13 August tak aam logon ki sheyaradhaarita badhaakar nyoonatam 10 feesadi karni hogi.