Share Baajaar Agale Hafte Q4 Rijlts, IIP Par Rahegi Najar

Business »

Share Baajaar Agale Hafte Q4 Rijlts, IIP Par Rahegi Najar

Mumbai. . Agale hafte share baajaaron mein chauthi timaahi ke rijlts ghoshit karne waali companiyon aur audyogik utpaadan ke aankadon par niveshakon ki najar rahegi. Share baajaaron mein shanivaar 11 May 2013 ko vishesh kaarobaari satr aayojit hoga. Kyonki Bombay stock exchange apne dijaastar rikvari software ka pareekshan karega. Yah satr 11.15 se 12.45 tak chalega. Kaarobaari companiyaan agale saptaah bhi pichhle kaarobaari saal ki chauthi timaahi ke rijlts ghoshit karti raheingi, jismein se niveshak bhavishya ke munaafe ya nuksaan ke liye sanketon ki talaash karne mein lage raheinge. Agale saptaah Budhvaar ko HDFC, rainabeksi aur lyoopin ke rijlts aaenge. Guruvaar ko asian peints ka result aane vaala hai, jabki shukravaar ko NTPC ka result aaega. Keindreeya saankhyiki kaaryaalaya shukravaar 10 March ko is saal ke liye audyogik utpaadan ke aankade jaari karega. February mein utpaadan mein 0.6 feesadi ki maamooli badhotri rahi. Sansad ka bajat satr shukravaar 10 May ko khatm hone vaala hai. Kai muddon par gatirodh jaari rahane ke kaaran kai mahatvapoorn bilon ke sadan mein latake rah jaane ki aashanka hai. Sarkaar ne do May ko sanshodhit khaadya suraksha vidheyak Loksabha mein pesh kiya hai. Vitt vidheyak sansad mein paarit ho chuka hai. Aane vaale kuchh maheenon mein baajaar mein sheyaron ki bhaari saplaai ke kaaran share baajaaron ke soochakaankon ke oopar ki or badhne ki ummeed kam hai. Share baajaar niyaamak bhaarateeya pratibhooti aur vinimay board (SEBI) ke disha-nirdesh ke mutaabik listed niji companiyon mein promoter ki hissedaari ghataani hogi aur aam niveshakon ko kam se kam 25 feesadi hissedaari deni hogi. Isi tarah sarkaari listed companiyon mein aam niveshakon ko kam se kam 10 feesadi hissedaari deni hogi. SEBI ke aadesh ke mutaabik niji companiyon ke sansthaapakon ko 30 June 2013 tak apni hissedaari ghataani hogi, jabki sarkaari companiyon ko 31 August tak SEBI ke aadesh ka paalan karna hoga. Varsh 2014 mein sarkaari companiyon ke vinivesh ke sarkaari lakshya se bhi sheyaron ki bikvaali ko hava milegi. Sarkaar ne saarvajanik companiyon mein apni hissedaari ke vinivesh se vartamaan kaarobaari varsh mein 40 hajaar karod jutaane ka lakshya rakha hai. Sarkaar ne niji companiyon mein bhi apni hissedaari ke vinivesh se 14 hajaar karod rupaye jutaane ka taaraget rakha hai. Paanch May 2013 ko Karnataka mein hone vaale vidhaanasabha chunaav bhi baajaar ko kuchh had tak prabhaavit kar sakte hain. Chunaav ka parinaam aath May ko ghoshit hoga. Loksabha chunaav se judi khabaron ke chalte agale saal May tak share baajaar mein utaar-chadhaav bane rahane ke aasaar hain. Maana ja raha hai ki agali sarkaar kai paartiyon ki mili-juli ho sakti hai. Sudhaar ki prakriya mein baadha ki aashanka hai. Iska asar vitteeya ghaata prabandhan par nakaaraatmak roop se pad sakta hai aur vaishvik rating agencyan Bhaarat ki rating ghata sakti hain. Baajaar mein is vakt kai sheyaron mein kaafi giraavat chal rahi hai. Ise dekhte hue niveshak bautam ap ki rananeeti apna sakte hain, yaani ve saste share khareed sakte hain. Chhote niveshakon ko is dauraan sector call lene ke bajaay khaas-khaas sheyaron par dhyaan dena chaahiye.

Share Baajaar Agale Hafte Q4 Rijlts, IIP Par Rahegi Najar https://www.angrejinews.com/pic/7725