Sharaabi Bete Ne Faavade Se Ki Pita Ki Hatya

Breaking » Friday, March 29, 2013

ek samvaadadaata . Sahaaranapur sahaaranapur jile mein ek sharaabi bete ne faavade se apne pita ki hatya kar di. Police ne hatya ke aarop mein bete ko giraftaar kar liya hai aur mrutak ke shav ko postmortem ke liye bhej diya gaya hai . Jaankaari ke anusaar, jile ke thaana naanauta ke gaanv chaura mein jab saara gaanv holi khelne mein mashagool tha tabhi 25 varsheeya himaanshu lagaataar sharaab pi raha tha. Bete ko jyaada sharaab peete dekh pita raajasih ne vahaan pahunchakar use jyaada sharaab na peene ko kaha to usaka paara chadh gaya aur nashe mein dhut hue bete ne paas mein pade faavade se apne pita par kai vaar kar diye jisse raajasinh ki mauke par hi maut ho gayi . Ghatna ki jaankaari milte hi naanauta police mauke par pahunchi aur hatya ke aarop mein himaanshu ko giraftaar kar liya. Uske mamere bhaai Kuldeep ne maamale ki report darj karaai hai. Himaanshu ikalauta beta hai aur uske paas achhi khaasi jameen jaayadaad bhi hai. Usane apni biraadari se baahar jaakar doosari biraadari ki ladki se court mairij ki thi aur filhaal Haryana mein rahata tha. Holi khelne ke liye vah gaanv aaya tha. Mahila ki maut : Thaana sarasaava ke tahat ek mahila ki guruvaar ko jila chikitsaalaya mein maut ho gayi. Mahila ko aag mein jhulasane par 4 din pehle yahaan bharti karaaya gaya tha. Bataaya jaata hai ki yahaan ke gaanv naanoo maajara mein rahane waali 27 saal ki mausam ne apne pati sundar se kisi baat par naaraaj hokar khud par mitti ka tel daalkar aag laga li thi jisse vah buri tarah jhulas gayi thi.