Shane Watson Ne Chhodi Australia Ki Up Kaptaani

Cricket »

Shane Watson Ne Chhodi Australia Ki Up Kaptaani

Melbourne. . Bhaarat ke niraashaajanak daure ke dauraan anushaasanaheenata ke liye saja ka saamana karne vaale Australia ke all-rounder Shane Watson ne apni ballebaaji aur geindabaaji par dhyaan dene ke liye team ka up kaptaan pad chhod diya hai. Watson ne ek bayaan mein kaha ki pad chhodne ka faisala aasaan naheen tha lekin Bhaarat ke khilaaf test series samaapt hone ke baad se hi vah is par vichaar kar rahe the. Unhonne kaha, 'Mujhe lagta hai ki yah team mein aur mujhamein badlaav ke liye sahi samay hai. Main imaandaari se sveekaar karta hoon ki pichhle kuchh samay se is faisale ko lekar mere andar dvandv chal raha tha. Haalaanki jab mainne man bana liya to mainne silektars ko soochit kar diya, jisse ki vah ashes ke liye apne vikalpon par vichaar kar sakein kyonki team ki ghoshana jald hi honi hai. ' Watson ne kaha ki vah behtar khilaadi banane par dhyaan keindrit karna chaahate hain. Unhonne kaha, 'Main Australia ke liye sarvashreshth test khilaadi banana chaahata hoon aur mujhe lagta hai ki main up kaptaani chhodkar run banaane, wicket chatakaane aur team ko safalta haasil karne mein madad karne mein dhyaan lagaakar aisa kar sakta hoon. ' Australiaee all-rounder ne kaha ki pad chhodne ke faisale ko unke kaptaan Michael Clark, coach Micky aarthar aur cricket Australia ka samarthan haasil hai. Unhonne kaha, 'Mujhe up kaptaan ka darja naheen milega, lekin mujhe lagta hai ki iske baavajood main ek netrutvakarta aur samooh mein yogadaan dene vaala vyakti rahoonga. ' Watson ne kaha, 'Mainne John Inverarity, Micky aarthar aur Michael Clark ko phone karke apne faisale ke baare mein bataaya aur ve mere is faisale ka sammaan karte hain aur is baat se sahamat hain ki yah mere aur team ke liye sarvashreshth hai.

Shane Watson Ne Chhodi Australia Ki Up Kaptaani https://www.angrejinews.com/pic/6223