Shahrukh Ko Wankhede Stadium Ke Surakshaakarmi Se Jhagade Par Pachhataava

Cricket »

Shahrukh Ko Wankhede Stadium Ke Surakshaakarmi Se Jhagade Par Pachhataava

Kolkata. . Kolkata night Riders ke maalik Shahrukh Khan ne sveekaar kiya ki unhein IPL ke pichhle season ke dauraan Wankhede stadium mein surakshaakarmi se jhagada naheen karna chaahiye tha. Is jhagade ke baad MCA ne un par Wankhede mein ghusne par paanch saal ki rok laga di thi. Shahrukh ne jhagade par pachhataava jaahir karte hue kaha ki beete hue samay ko yaad karoon to mujhe vaisa bartaav naheen karna chaahiye tha. Vaheen doosari or, yah aisi cheej naheen hai jiske baare mein sachmuch sochata hoon. Yah poochhane par ki saat May ko jab kekeaar ki team Wankhede stadium mein Mumbai Indians se bhidegi to vah kya kareinge, is par shaaharookh ne kaha, 'Main naheen chaahata ki mujhe galat samjha jaae, lekin agar main stadium mein pravesh karta hoon to ve kya kareinge? Mujhe goli maar deinge? ' Shahrukh ne majaakiya andaaj mein kaha ki vah adhikaariyon ko dhokha dene ke liye mukhauta bhi pahan sakte hain. Unhonne team hotel mein shanivaar raat ek kaaryakram ke dauraan kaha, 'Main naheen jaata, varana mujhe mukhauta pahanana hoga. Mujhe nakali moochhon ke saath ise pahanana hoga. Lekin main koi tanaav naheen chaahata, isliye main Wankhede ke baahar intajaar karoonga aur apne khilaadiyon ka utsaah badhaaoonga. Shahrukh ne kaha, 'Jab tak meri team ko Wankhede stadium ke andar jaane ki anumati di ja rahi hai, sab theek hai. Ham match jeeteinge. Mujhe match jeetne ke liye vahaan maujood rahane ki jaroorat naheen hai. '

Shahrukh Ko Wankhede Stadium Ke Surakshaakarmi Se Jhagade Par Pachhataava https://www.angrejinews.com/pic/7651