Shahrukh Ki Film Ke Liye Kahaan Se Aaya Paani

Breaking »

Shahrukh Ki Film Ke Liye Kahaan Se Aaya Paani

Pune. . Maharashtra mein pyaason aur kisaanon ke liye paani dene ke naam par vahaan ke upamukhyamantri ajip Pawar kehte hain ki daim mein paani naheen hai to kya usamein peshaab kar dein. Vidanbana dekhiye ki jahaan kisaanon ko kheti ke liye paani naheen mil raha hai, usi soobe mein Shahrukh Khan ki film 'Chennai express' ke liye sataara daim se paani chhod diya jaata hai. Isse aaspaas ke gaanvon ke logon mein kaafi naaraajagi hai, jabki sarkaari report mangaane ki baat kehkar palla jhaadti najar aa rahi hai. Isse pehle, IPL maichon ke liye stadium aur pitch ki dekharekh ke liye ho rahi paani ki barbaadi ko lekar bhi Maharashtra mein virodh jataaya gaya tha. BJP aur shivsena ne to sookhe ko dekhte hue raajya mein IPL ke match na karaane ki maang kar di thi. Film ki shooting ke liye mugaanv mein set lagaaya gaya tha. Yah ilaaka sataara jile ke vai taaluka mein aata hai. Sthaaneeya logon ke mutaabik, dhom daim ke kinaare shooting ke liye bageeche ka set banaaya gaya tha aur is bageeche ko hara bhara rakhane ke liye daim se paani liya gaya. Paani ki barbaadi ko lekar sthaaneeya logon ne virodh jataaya hai. Is par raajya ke sinchaai vibhaag ne adhikaariyon se sataara jile ke dhom daim se paani chhodne ko lekar poori report maangi hai. Haalaanki adhikaariyon ka kehna hai ki daim mein paani jyaada hone ki vajah se paani chhoda gaya tha. Dhom daim ke egjekyutiv injiniyr pradeep Patil ka kehna hai, sinchaai vibhaag ki ek team is maamale ki jaanch kar rahi hai aur maamale ki poori report vibhaag ke senior adhikaariyon ko saunp di jaaegi. Kuchh gaanvavaalon ke paani ki barbaadi ko lekar uthaae gaye savaalon ke javaab bhi report mein diye jaaenge. Patil ne bataaya ki film company red chili entertainment ko niyamon ke mutaabik shooting ki ijaajat sinchaai vibhaag ne di thi. Company ne film ki shooting ke liye jagah ke aur paani ke istemaal ki ijaajat ke liye adavaans pemeint bhi kiya tha. Unhonne bataaya ki jaanch adhikaariyon ne somvaar ko shooting ki jagah ka daura bhi kiya. Agale 8 din mein iski report senior adhikaariyon ko saunp di jaaegi. Sataara ke collector raamasvaami N. Ne bhi is baat ki pushti ki hai. Red chili entertainment ke line pradyoosar monteene bataaya ki dhom daim site par shooting se pehle sinchaai vibhaag se paramishn le li gayi thi. Site par paani ki saplaai ke liye tainkars ka istemaal kiya gaya. Monti ka kehna hai ki shooting ke liye jis paani ka istemaal kiya gaya hai vah khareeda gaya tha aur set par kaam kar rahe logon ko peene ke liye mineral vautar upalabdh karaaya gaya tha.

Shahrukh Ki Film Ke Liye Kahaan Se Aaya Paani https://www.angrejinews.com/pic/5066