Shaheed Hemraj Ki Patni Se 10 Lakh Rupaye Ki Thagi

India »

Shaheed Hemraj Ki Patni Se 10 Lakh Rupaye Ki Thagi

bhaasha. Mathura: Pakistani sainikon ke haathon maare gaye Mathura ke shaheed Hemraj ki patni se shukravaar ko kisi agyaat shakhs ne fauji bankar 10 lakh rupaye thag liye. Police ne is sambandh mein mukadama darj kar jaanch shuroo kar di hai. Police se mili jaankaari ke anusaar shukravaar ki subah ek 25 varsheeya vyakti shaheed Hemraj ke sheranagar-khairaar gaanv mein uske ghar pahuncha. Usane apna naam amit Kumar tatha khud ko haatharas nivaasi bataaya. Usane apna parichay Delhi sthit sena bhavan ke ek karmi ke roop mein diya aur shaheed ki vidhva dharmavati se kaha ki usane aarthik madad ke roop mein mile saare paise apne naam se hi jama kar rakhe hain, isliye un par sarkaari tax lag sakta hai. Amit ke mutaabik, agar dharmavati kuchh rakam bachchon ke naam se aur kuchh apne paas nakad rakh lein to tax se bacha ja sakta hai. Iske baad dharmavati apne rishtedaaron aur us kathit fauji ke saath kasbe mein sthit state bank ki shaakha pahuncheen. Vahaan unhonne apne khaate se 20 lakh rupaye nikaale. Inmein se 10 lakh rupaye unhonne apni bachchi ke naam se efadi kara di aur baaki 10 lakh rupaye nikaalkar sabhi log gaanv laut gaye. Dharmavati ke rishtedaar alag baaik par the, jabki hemavati ukt fauji ke saath usaki baaik par aa rahi theen. Rupayon ka bag bhi usi ke paas tha. Raaste mein baaik mein petrol dalavaane ke bahaane kathit fauji bag lekar chanpat ho gaya. Police ke mutaabik, bank se video footage mangaakar jaanch ki ja rahi hai. Pehle bhi ho chuki hain koshishein: Sarkaar se madad ki rakam milne ke baad dharmavati se paise enethane ki pehle bhi koshishein ho chuki hain. Ek baar gas agency ke naam par tatha doosari baar farji check banaakar unke khaate se paisa nikaalne ki koshish ki gayi thi, jise soochana milne par police ne turant kaaryavaahi kar bacha liya.

Shaheed Hemraj Ki Patni Se 10 Lakh Rupaye Ki Thagi https://www.angrejinews.com/pic/4722