Shaajiya Ilmi Aur Captain Gopeenaath Ne Aam Aadmi Party Se Isteefa Diya

India »

Shaajiya Ilmi Aur Captain Gopeenaath Ne Aam Aadmi Party Se Isteefa Diya

Shaajiya ilmi 'Aap' ki sansthaapak sadasyon mein se ek theen Shaajiya ilmi 'Aap' ki sansthaapak sadasyon mein se ek theen Nai Delhi: Arvind Kejriwal ki aam aadmi party ko shanivaar ko us vakt dohara jhatka laga, jab shaajiya ilmi aur captain jeeaar gopeenaath ne party se naata tod liya. sasti ghareloo havaai airline company air Deccan ki shuruaat karne vaale captain gopeenaath is saal January mein aam aadmi party mein shaamil hue the. Karnataka mein party netrutv ko likhe ek patra mein gopeenaath ne kaha ki vah tatkaal prabhaav se party ki sadasyata se isteefa de rahe hain. gopeenaath ne kaha ki party ke sheersh netrutv ke saath badate matabhedon aur unke taur-tareekon ki vajah se vah party chhod rahe hain. Captain gopeenaath ke party chhodane par 'Aap' ke varishth neta Yogendra Yadav ne kaha ki unhein pata hi naheen ki captain gopaanaath ne 'Aap' jvaain bhi ki thi. udhar, aam aadmi party (aap) ki sansthaapak sadasya shaajiya ilmi ne bhi party se naata todne ka ailaan kar diya. Shaajiya ne kaha ki party chhodne ka faisala kathin tha aur vah dukhi man se isteefa de rahi hain. unhonne kaha ki party ke andar gutbaaji hai aur koi aantarik lokatantr naheen hai aur lagaataar galatiyaan ki ja rahi hain. Shaajiya ne kaha, Arvind (Kejriwal) lokatantr ki baat karte hain, par apni hi party mein vah lokatantr bahaal naheen kar paae. Shaajiya ne daava kiya ki aam aadmi party ke saare vidhaayak unke sampark mein hain. shaajiya kuchh muddon ko lekar party netrutv se naaraaj theen, jinmein unhein Ghaziabad Loksabha seat se chunaav mein utaara jaana bhi shaamil hai. Vah is seat se haar gain. unhonne party netrutv ko Delhi ki saat mein kisi ek seat se Loksabha chunaav mein utarane ki ichha se avagat karaaya tha. Shaajiya ilmi 'Aap' se usaki sthaapana ke samay se hi judi raheen. Lokapriya alpasankhyak chehara samajhi jaane waali shaajiya RK puram se Delhi vidhaanasabha chunaav haar gayi theen.

Shaajiya Ilmi Aur Captain Gopeenaath Ne Aam Aadmi Party Se Isteefa Diya https://www.angrejinews.com/pic/51603