Shaadi Se Mana Karne Par Mahila Ki Hatya

Breaking » Thursday, April 25, 2013

ek samvaadadaata . Bulandashahar pahaasoo thaana kshetr ke gaanv farakana mein ek shakhs ne apne chhote bhaai ki patni ko kulhaadi se kaatkar usaki hatya kar di. Bataaya gaya ki aaropi ne mahila ko shaadi ka prastaav diya tha. Aarop hai ki mahila ke mana karne par use jaan se maar diya. 60 saal aman va 50 saal ke munna sage bhaai hain aur ek hi ghar mein rahate hain. Do saal pehle aman ki beevi gujar gayi thi. Aarop hai ki aman ki najar chhote bhaai ki patni gulashan par thi. Budhvaar ko munna kaam par chala gaya to aman ne gulashan se ashleel harkat karte hue shaadi ka prastaav rakha. Lekin gulashan ne iska virodh kiya. Is par aarop hai ki aman ne kulhaadi se gulashan ki hatya kar di. Cheekh pukaar par jab tak aaspaas ke log mauke pahunche tab tak mahila ki maut ho chuki thi. Baad mein pahunchi police ne mahila ka shav apne kabje mein lekar postmortem ke liye bhej diya. Aaropi ko police ne giraftaar kar liya hai. Thaanaadhyaksh raamanivaas ne bataaya ki aaropi apne chhote bhaai ki patni se avaidh sambandh banaana chaahata tha. Mahila ne virodh kiya to usane kulhaadi se teen chaar baar mahila ki gardan par vaar kar diye. Jisse mahila ki mauke par maut ho gayi. Giraftaar aaropi ne apna jurm kabool kiya hai.