Shaadi Mein Laaiting Ke Liye Teinpareri Kanekshan Jaroori

India »

Shaadi Mein Laaiting Ke Liye Teinpareri Kanekshan Jaroori

vishesh samvaadadaata. Lucknow : Shaadi-vivaah, devi jaagaran aur durga pooja ke pandaalon mein bijli ki sajaavat ke liye asthaayi kanekshan lena jaroori kar diya gaya hai. Is tarah ke kanekshan lene vaale logon ko ab raseed bhi sanbhaalakar rakhani hogi. Checking ke dauraan raseed na dikhaane par kisi avsar par ki gayi laaiting ko bijli chori ki shreni mein rakha jaaega aur on the spot bijli vibhaag bhaari jurmaana vasool karega. Guruvaar se navaraatr shuroo ho raha hai. Is mauke par pradesh ke vibhinn jilon mein vibhinn prakaar ke dhaarmik aayojan honge. Isi ke baad shaadi ka saaya hai. Isi ke maddenajar bijli vibhaag pradesh ke chhote-bade shaharon mein ek vishesh abhiyaan chalaaega, jismein asthaayi kanekshan ke naam par bijli chori karne vaalon par sakhti barati jaaegi. Bijli chori ko badhaava dene vaale thekedaaron par bhi kaarravaai hogi. Aise kanekshan maatr 24 ghante ke liye vaidh hote hain. Sabhi shaharon ke upakhand adhikaari ke daftar mein teinpareri kanekshan lene ke liye log aavedan kar sakte hain. Agar bina kanekshan liye saarvajanik sthalon, guest house, laun mein devi jaagaran, shaadi vivaah ya anya samaaroh aayojit kiye jaate hain to un par tagada jurmaana thonka jaaega. Is tarah ke aayojakon ke khilaaf thaanon mein FIR bhi darj hogi.

Shaadi Mein Laaiting Ke Liye Teinpareri Kanekshan Jaroori https://www.angrejinews.com/pic/5183