Shaadeeshuda Mahila Ke Ghar Mein Ghuskar Rape

India »

Shaadeeshuda Mahila Ke Ghar Mein Ghuskar Rape

vishesh samvaadadaata. Lucknow : Uttar pradesh mein alag-alag jagahon par 4 naabaalig ladkiyon aur ek mahila ko rape ka shikaar banaaya gaya. Baaraabanki ke kothi kshetr mein ek shaadeeshuda mahila ke ghar mein ghuskar aaropi ne usase rape kiya. Ghatna ke samay mahila ghar mein akeli thi. Aaropi ke faraar hone ke baad aaspaas ke logon ko ghatna ka pata chala. UP ki rajdhani Lucknow ke gudanba ilaake mein guruvaar ki shaam 4 saal ki bachchi ke saath uske padosi Arvind (20) ne rape kiya. Aaropi ko buri tarah peetane ke baad bheed ne police ke havaale kar diya. Vaheen mujaffaranagar mein 14 saal ki ladki ka 3 yuvakon ne kathit roop se apaharan kiya aur fir jile ke khatauli kasabe mein mahila ke saath gang-rape kiya. Teenon aaropiyon ki pehchaan Rahul, vikraant aur neetoo ke roop mein ki gayi hai. Baaraabanki ke jahaangeeraabaad kshetr mein ek naabaalig viklaang ladki ko ek tainpo driver ne apni havas ka shikaar banaaya, jiske baad gaanv mein tanaav fail gaya. Kisi apriya ghatna ko rokane ke liye vahaan bhaari police bal tainaat kiya gaya hai. Police ne aaropi omkaar ko giraftaar kar liya hai. Badaayoon ke ujhaani kshetr mein ek 7 saal ki bachchi ke saath kuchh agyaat logon ne rape kiya. Yah ghatna tab hui, jab ladki kheton mein akeli gayi thi. Iske baad uske parivaar ne use gambhir haalat mein tadupate hue paaya.

Shaadeeshuda Mahila Ke Ghar Mein Ghuskar Rape https://www.angrejinews.com/pic/7618