Set Ne Sahaara-SEBI Maamale Mein Sunavaai 13 April Tak Taali

Business »

Set Ne Sahaara-SEBI Maamale Mein Sunavaai 13 April Tak Taali

Nai Delhi. . Pratibhooti appealeeya nyaayaadhikran (set) ne sahaara samooh ke pramukh subrat rai ki yaachika par sunavaai 13 April tak taal di hai. Yaachika mein rai ne apne aur samooh ki do companiyon ke sheersh adhikaariyon ke bank akaaunts aur prauparteej ki kurki ke bhaarateeya pratibhooti evam vinimay board (SEBI) ke aadesh ko chunauti di hai. SEBI ke pichhle maah ke aadesh ke khilaaf is appeal par nyaayaadhikran ne 23 March ko pichhli sunavaai ke dauraan antim sunavaai ke liye aaj ki taareekh tay ki thi. Ab 13 April ko set sambandhit aur yaachikaaon par bhi sunavaai karega. Yah maamala Supreme court dvaara sahaara samooh ki do companiyon sahaara India reeyal estate kaarp aur sahaara haaujing investameint kaarp ko niveshakon se jutaae gaye 24,000 karod rupae niveshakon ko lautaane ke aadesh se sambandhit hai. Samooh ki companiyon ne yah raashi bond jaari kar jutaai hai. SEBI ko niveshakon ka paisa lautaane ke aadesh ko laagoo karaana hai. Nyaayaalaya ke aadesh ke tahat nirdhaarit samay mein poora dhan na jama karaane ke maamale mein SEBI ne February mein sambandhit companiyon aur subrat rai samet unke kuchh aala afsaron ke khilaaf kurki ke aadesh jaari kiye. Sahaara ne SEBI ki kaarravaai par savaal uthaate hue kaha ki unhein is maamale mein na to kaaran bataao notice diya gaya aur na hi SEBI ne nyaayik maijistret se aadesh lene ki prakriya ko poori ki hai. Vaheen, sahaara ke daave ko khaarij karte hue SEBI ne kaha ki Supreme court ka is maamale mein aadesh saaf hai aur usi ke anusaar vah kaarravaai kar raha hai. Is beech, SEBI ne Supreme court mein subrat rai ko hiraasat mein lene ki yaachika bhi daayar ki hai. Is yaachika par sunavaai April ke pehle saptaah mein hogi

Set Ne Sahaara-SEBI Maamale Mein Sunavaai 13 April Tak Taali https://www.angrejinews.com/pic/3101