Session Ke Pehle Hafte Mein Hi Food Sikyoriti Bill Laaegi Sarkaar Thomas

Business » Friday, April 19, 2013

si L manoj nai Delhi bajat session somvaar se fir shuroo ho raha hai. Congress ismein apne mahatvaakaankshi national food sikyoriti (sanshodhit) bill (enaesaefabi) ko paas karaane ki purajor koshish karegi. Kanjyoomars afeyars, food end pablik distribyooshan ministar ke vi Thomas ne bataaya ki sarkaar charcha aur paas karaane ke liye is bill ko satr ke pehle hafte mein hi list karaaegi. Thomas ne kaha, 'Paarliyaameint mein list tay karna house committee ka kaam hai. Jitna mujhe pata hai, us hisaab se national food sikyoriti (ameinded) bill ko session ke pehle hafte mein discussion ke liye list karaaya jaaega. Sarkaar ko bharosa hai ki yah bill paas ho jaaega. Ise sabhi dalon se support milega. Aisa isliye bhi hai, kyonki stainding committee ne iske sanshodhit varjan ko kleeyar kar diya hai. ' bill mein sabsidaaijd dar par chaaval, gehoon aur anaaj ka vitran desh ki kareeb 67 feesadi aabaadi ko kiya jaana hai. Yah Congress ki aguvaai vaale UPA 2 ki sabse badi raajaneetik pahal maani ja rahi hai. Sarkaar ko lag raha hai ki bill ke paas hone se use agale saal hone vaale aam chunaavon mein bada raajaneetik faayda mil sakta hai. Congress mein kai logon ka maanana hai ki enaefaesabi aur daayarekt cash traansafar skeem se unhein vahi faayda milega, jo mahaatma Gandhi enplauyameint guaranty skeem (manarega) aur kisaanon ki karj maafi yojana se huaa tha. Congress ke ek senior leedar ne kaha, 'Soniya Gandhi vyaktigat taur par is bill ki progres maunitr kar rahi hain. ' lekin is bill ke peechhe chhipi raajaneetik mahatvaakaanksha ko vipaksh bhi samajh raha hai. Aise mein vipaksh bhi is bill par charcha mein apni rai jordaar tareeke se rakh sakta hai. Chunaav vaale saal mein is bill ki ahamiyt is baat se bhi saabit hoti hai ki UPA ne stainding committee mein bill par vipaksh ki kai maangon ko aasaani se maan liya hai. Iski vajah se sarkaar laabhaarthiyon ke general aur praayariti kaitegaraaijeshan aur har maheene 5 kilo anaaj ke aavantan se peechhe hat gayi hai. Sanshodhit bill mein 3 rupae prati kilo ki dar se chaaval, 2 rupae prati kilo ki dar se gehoon aur 1 rupae prati kilo ki dar se mota anaaj diya jaana prastaavit hai.