Service Tax Naheen Chuka Paane Vaalon Ko Maafi

Business »

Service Tax Naheen Chuka Paane Vaalon Ko Maafi

Nai Delhi. . Service tax ada karne mein chook karne vaalon ke liye vitt mantraalaya ne ekabaaragi maafi yojana pesh ki hai. Yojana ke tahat ab tak service tax ada naheen karne vaale apne bakaaye ka bhugataan bina kisi jurmaane ya vilamb shulk ke kar sakeinge. Is saal ke ant tak iska faayda uthaaya ja sakega. Yojana ke tahat service tax dene mein chook karne vaala shakhs 1 October 2007 se 31 December 2012 ke dauraan apni bakaaya tax dendaari (upakar sahit) ki ghoshana kar sakega. Uske baad vah sahi jaankaari dekar ise jama kara sakega aur un par na to jurmaana lagega aur na hi kisi anya tarah ki koi kaarravaai ki jaaegi. Vitt mantri pi. Chidambaram ne is tarah ki pehli yojana 2013-14 ka bajat pesh karte hue ki thi. Unhonne kaha tha ki service tax ke tahat 17 lakh log panjeekrut hain aur inmein se sirf 7 lakh hi return jama kara rahe hain. Service tax ko lekar koi bhi vyakti is baare mein ghoshana 31 December 2013 tak ya usase pehle tak kar sakta hai. Ghoshana karne vaale vyakti ko tax bakaaye ka 50 pratishat 31 December tak jama karna hoga aur baaki ki rakam vah 30 June 2014 tak jama kar sakta hai.

Service Tax Naheen Chuka Paane Vaalon Ko Maafi https://www.angrejinews.com/pic/9054