Serena Ki Nigaahein Record Baraabari Par, Final Mein Haalep Se Hogi Bhidant

Sports »

Serena Ki Nigaahein Record Baraabari Par, Final Mein Haalep Se Hogi Bhidant

London Do poorv world number-1 tennis khilaadiyon America ki serena Williams aur romaaniya ki simona haalep ke beech saal ke teesare grand slam toornameint Wimbledon ka mahila ekal varg ka final match khela jaaega. Serena ne semifinal mein check ganaraajya ki baarabora straaikova ko maat di to vaheen haalep ne Ukraine ki ilina svitolina ko haraaya. Serena ne straaikova ko 6-1, 6-2 se maat di. Serena ko 11veen baar final mein pahunchane ke liye 59 minute ka samay laga. Haalep pehli baar is toornameint ke final mein pahunchi hain. Unke naam ek grand slam hai jo unhonne pichhle saal French open ke roop mein jeeta tha. Vaheen svitolina ka pehli baar Wimbledon final khelne ka sapana adhoora rah gaya. Haalep ne unhein 6-1, 6-3 se haraaya. Yeh match ek ghante 13 minute tak chala. Svitolina pehli baar kisi grand slam ke semifinal mein pahunchi theen. Jeetne ke baad haalep ne kaha, 'Yeh bahut shaanadaar ehsaas hai. Main kaafi utsaahit lekin ghabaraai hui thi. Yeh mere jeevan ke sabse sarvashreshth palon mein se hai aur main iska lutf uthaane ki koshish kar rahi hoon. Yeh itna aasaan naheen hai jitna skoralaain se dikh raha hai. Har game kaafi gahra gaya, lekin main apni rananeeti se kaafi khush hoon aur main maanasik aur shaareerik taur par behad majaboot mahasoos kar rahi hoon. ' Final mein haalep ka saamana America ki serena viliymsan se hoga jinhonne semifinal mein check ganaraajya ki baarabora straayakova ko 6-1, 6-2 se haraaya. Saat baar ki champion 11veen vareeyata praapt serena Williams is tarah maaragret court ke 24 grandslam khitaab ke record ki baraabari karne se mahaj ek kadam door hain. Saintees varsheeya serena ne semifinal mein gairavareeyata praapt check ganaraajya ki baarabora straaikova ko 6-1 6-2 se haraakar shanivaar ko hone waali khitaabi bhidant mein jagah sunishchit ki aur yeh unka 11vaan Wimbledon final bhi hai. Serena ka career mein haalep par jeet ka record 9-1 hai. Vaheen 2018 ki French open champion simona Ukraine ki elina svitolina ko 6-1 6-3 se haraakar Wimbledon ke final mein pahunchane waali pehli romaaniyaai mahila khilaadi ban gayi. Is 27 varsheeya saataveen vareeyata praapt khilaadi ka yeh paanchavaan grandslam final hoga. Vah 2014 mein semifinal mein pahunchi thi lekin yoojeni bukaard se haar gayi thi. Svitolina Ukraine ke liye grandslam ke semifinal mein pahunchane waali pehli mahila khilaadi bani theen.

Serena Ki Nigaahein Record Baraabari Par, Final Mein Haalep Se Hogi Bhidant https://www.angrejinews.com/pic/286190