Sensex-Nifty Oopar, Rupaye Ne Banaaya Record

Business »

Sensex-Nifty Oopar, Rupaye Ne Banaaya Record

Mumbai kendra mein Narendra Modi ki sarkaar banane ka sakaaraatmak asar somvaar subah share baajaar mein fir dekhne ko mila. Sensex 250 ankon ki majabooti ke saath khula, to Nifty mein kareeb 75 ankon ki teji dekhne ko mili. Shuruaati kaarobaar mein Sensex 275.82 ank chadhkar 24,397.56 par pahuncha jabki Nifty 65.40 ankon ki badhat ke saath 7,268.40 tak gaya. Is dauraan ne Sensex ne 24,427 aur Nifty ne 7,290 ki oonchaai chhooi. Haalaanki, baad mein IT stauks mein kamjori ke kaaran baajaar ki raftaar kuchh dheemi padi. Rupaye ke 11 maheene ke uchchatam star par pahunchane ke kaaran IT stauks par dabaav badha. Subah 11 Nifty kareeb 20 ankon ki teji ke saath 7,222 par aur Sensex kareeb 77 ank majaboot hokar 24,198 par kaarobaar kar rahe the. Aaj ke kaarobaar mein rupaye mein bhi jabaradast majabooti dekhne ko mil rahi hai. Bhaarateeya rupaya shuruaati kaarobaar mein dollar ke mukaabale 32 paise majaboot hokar 58.47 par pahunch gaya. Yeh 11 maheene mein rupaye ka uchchatam star hai. Isse pehle rupaya 24 paise majaboot hokar 58.55 par khula tha. Gaurtalab hai ki Loksabha chunaav mein BJP ko poorn bahumat milne se niveshak utsaahit hain. Baajaar ko ummeed hai ki Modi sarkaar aane vaale samay mein arthavyavastha ko patari par lautaane ke liye majaboot kadam uthaaegi. Yahi vajah hai ki share baajaar mein lagaataar teji dekhne ko mil rahi hai.

Sensex-Nifty Oopar, Rupaye Ne Banaaya Record https://www.angrejinews.com/pic/50995